Kal. Nunaanni Eqqartuussisoqarfiit

Kal. Nunaanni Eqqartuussiviit

Qanigisatut ilissi ilisineq ilisinermilu aningaasartuutit akilertussaavasi.

Tamatuma kingorna aningaasat utertinneqassapput toqusup pigisaanit naammattumik taakku aningaasartaqarpata. Qanigisaasut arlaata ilisineq akilersinnaanngippagu, kommunip tamanna akilissavaa.

 

Qanigisat toquppat

Suliaq suli naammassinngitsoq toqusup aningaasaatai atorneqarsinnaappat?

Eqqartuussiviup isumagissavaa toqusumik kingornussassat agguataarnissaat kingornussassanut suliap suliarineqarnerani. Pingaaruteqarpoq, toqusup aningaasaatai piffissami tassani, kingornussassanut suliap suliarineqarnerani, atussanngikkisi, taamaalioraluarussimi qinnuigineqassagassi uterteqqullugit. Aamma toqusup akiligassai akilissanngilasi suliaq naammassineqareertinnagu.

Toqusup pigisaanik agguataarinissaq nalornisigineqarpat qanoq iliussaanga?

Toqusumut qanigisatut eqqartuussivimmut aggersarneqarsinnaavusi kingornussassalerisoq oqaloqatigiartorlugu, siumoortumik aalajangersaavigineqareersimanngippat, pigisat qanoq agguataarneqassanersut. Taamaalisoqarsinnaavoq, toqusup pigisai annertuumik naleqarsimappata.

Ilaqutaasut suliamut akuutinneqarsinnaappat?

Kingornussisussat arlaliugussi, periarfissaqarpusi ataaseq toqqassallugu kingornussassanik suliarinnittussatut eqqartuussivik peqatigalugu. Taamaalissagussi piginnaatitsissut atsiussavarsi.

Taavami toqusoq akiligassaqarsimappat?

Taakku, kingornussisut, aamma pisussaapput toqusup akiligassaasa akisussaaffigilernissaannut. Periarfissaqarpusili kingornussassassinnik perusunnasi aamma akiligassanik akisussaalerusunnasi.

Paasissutissat kingulliit: 18. marsip 2020