Kal. Nunaanni Eqqartuussisoqarfiit

Kal. Nunaanni Eqqartuussiviit

Uppernarsaasiinermik suliat tassaapput, eqqartuussiviup inuup atsiortup kinaassusaanik uppernarsaasiinera.

 

 

 

Uppernarsaasiineq

Uppernarsaasiineq

Uppernarsaasiineq tassaavoq, eqqartuussisup inuup, uppernarsaammut atsiortup, kinaassusianik uppernarsaaneraAtsiorneq uppernarsartissagukku, eqqartuussiveqarfimmi najugaqarfigisanni eqqartuussivimmut saaffiginnissaatit.

Assersuutigalugu kingornussassialioruit, nalinginnaasumik uppernarsaasiineq atussavat, taamaalillutit uppernarsartillugu illiusutit atsiortoq aammalu silappaarillutit kingornussassialiorsinnaasutit.

Nunami allamiut uppernarsaasiisussaq uppernarsaatissinnaavaat, atorfinitsinneqarnerminni pappilissat eqqortuusut, Kalaallit Nunaanni sulinissaminnut najugaqarnissaminnullu akuersissummik qinnuteqarunik.

Eqqaamassuat eqqartuussiviup pisussaaffiginngimmagu ilitsersuissalluni, uppernarsaat inatsisilerinermi qilersuisuunersoq – assersuutigalugu kingornussassialiap kingornussisarnermi inatsit malinneraa. Taamaattumik pitsaalluinnassaaq inatsisitigut siunnersuisartumit imaluunniit eqqartuussissuserisumut pappialaq uppernarsaat misissorteqqaaraanni.

Uani takusinnaavat, suut nassatarissaneritit, uppernarsaasiinissaq perusukkukku:

  • Uppernarsaatip naqiteqqaarnera, atsiugassaq. Taanna angerlarsimaffimmi atsiorneqareersimassanngilaq.
  • Kingornussassialiornermi kingornussassialiap assinga aamma nassassavat.
  • Kinaassutsimut uppernarsaat soorlu pas-i, biilernermut allagartaq imaluunniit uppernarsaat
  • pisortaneersoq assiliartalik. Uppernarsaat taaneqartoq arlaat piginngikkukku, eqqartuussivik aperiuk suna aamma atorsinnaanerlugu.

Uppernarsaasiisussaq aamma qinnuigineqarsinnaavoq arlaannut atuumassuteqanngitsutut makitsiseqqullugu.

Paasissutissat kingulliit: 18. marsip 2020