Gå til sidens indhold

Nunatta Eqqartuussisuuneqarfia

Nunatta Eqqartuussisuuneqarfia

Nunatta Eqqartuussisuuneqarfianukassaguit ilisimasariaqakkatit.

Allaffiup inissisimaffia

Grønlands Landsret
Jens Kreutzmannip Aqqutaa 5
3900 Nuuk

 

 

Ammasarfiit ullullu matoqqasarfiit

Ataasinngorneq - pingasunngorneq: 8.30-15.00

Sisamanngorneq: 8.30-17.00

Tallimanngorneq:  8.30-12.00

Ullut matoqqasarfiit 

Nunatta Eqqartuussisuuneqarfia arfininngornerni, sapaatini nalliuttunilu ulluni ukunani matoqqasarpoq: 

Nunatsinni, qallunaat nunaannilu nalliuttuni, 24. - 31 decembari aammalu Kunngit pingasut ulluanni ulloq 6. januar ullueqqaniit.

Sulisartut ulluanni ullup qeqqaniit kiisalu inuiattut ullorsiornermi 21. juni.

 

Attavissat

Allakkatigut nassiussiffissaq:

Nunatta Eqqartuussisuuneqarfia
Postboks 1040
3900 Nuuk

Telefon: (+ 299) 36 39 00

Mail: post.landsret@domstol.gl

CVR: 30184432

EAN: 5790002652820


Allaffeqarfik:

Nunatta Eqqartuussisuuneqarfia
Jens Kreutzmannip Aqqutaa 5
3900 Nuuk

 

Nittartagaq pillugu apeqqutissaqaruit uunga allagit: res@domstol.gl 

Eqqartuussivinni isiginnaarutinik atuineq

Kalaallit Nunaanni illoqarfiit akunnerisa siammasinnerujussui angallannermullu periarfissat annikinnerisa ilaatigut malitsigaat, angalanerup akisunera. Aammattaaq angalanerup malitsigikkajuppaa, angalasussap angerlarsimaffini ulluni arlalinni sulilluni qimassammagu. Taamaalilluni angalaneq ataaseq aaqqiineruvoq akisooq, angalasumut inuttut kinguneqarsinnaasoq.

Kalaallit Nunaanni Eqqartuussivinnit isiginnaarutit atorneqartarput, eqqartuussivimmi isumannaatsutitsinissamut illersorneqarsinnaatillugu, unammillernartumillu geografiskimik inissisimanitsinnut ajornaatsumik aaqqiissutaagaagat. Suliani illuatungiusoq imaluunniit ilisimannittoq illoqarfimmi allami suliap suliarineqarfigisassarinngisaani najugaqarpat, eqqartuussiviit illuatungeriit isiginnaarutit atorneqarnissaannut isumaannik tusarniartassavaat. Tamanna aamma atuuppoq, illuatungiusoq ilisimannittorluunniit Kalaallit Nunaanni najugaqanngippat.

Illuatungiusoq imaluunnniit ilisimannittoq nunaqarfimmi najugaqarpat, pineqartoq qanorluunniit illoqarfimmut qaninnerpaamukartinneqassaaq, isiginnaarutikkut nunaqarfinnut.

Eqqartuussiviit aalajangiissagaangamik, illuatungiusoq imaluunniit ilisimannittoq eqqartuussinermi isiginnaarutikkut eqqartuussinermut peqataassanersoq, eqqartuussiviup ilaatigut pingaartissavaat, suliap oqaluuserineqartup qanoq pinartiginera. Pinerluttulerinermi suliani, piffissami sivisuumi pineqaatissinneqarsimasunut inissiisarfiimmiittussanngortitsinermik kinguneqarsinnaasuni, eqqartuussiviit tunuarsimaarfigissavaat isiginnaarutit atornissaat. Apeqqutaavoq aamma illuatungiunersoq imaluunniit qitiusumik ilisimannittuunersoq, eqqartuussinissami isiginnaarutikkut peqataanissamik kissaateqartoq. Aammattaaq eqqartuussiviup eqqarsaatigissavaa, eqqartuussinerup qanoq sivisutiginissaa naatsorsuutigineqarnersoq, inuit qanoq amerlatigisut eqqartuussinermi peqataassanersut, illuatungeriit isiginnaarummik atuinissamut isumaat, aningaasartuutillu illuatungiusup imaluunniit ilisimannittup eqqartuussiffiusussamukartinneqarneranut atatillugu atorneqartussat.

Suliat ilaanni illuatungiusoq imaluunniit ilisimannittoq Danmarkimiit isiginnaarutikkut eqqartuussinermi peqataanissartik kissaatigisarpaat. Eqqartuussivik isummileruni naleqqunnersoq, eqqartuussiviup pissutit taakku ilanngutissavai, soorlu illuatungiusoq imaluunniit ilisimannittoq isiginnaarutikkut Kalaallit Nunaanni illoqarfimmi allamiit peqataanissaminik kissaateqaraangat. Taassuna saniatigut eqqartuussiviup aamma isiginiassavaa Kalaallit Nunaanni Danmarkimilu nalunaaquttap nikingassusaat periarfissallu ajornaatsut, uuma ataani qallunaat nunaanni eqqartuussiviit ammasarfii.

Kalaallit Nunaanni eqqartuussivinni oqaatsit

Kalaallisut aamma qallunaatut oqaatsit Kalaallit Nunaanni Eqqartuussivinni atorneqarsinnaapput. Illuatungiusup imaluunniit ilisimannittup oqaatsit taakku marluk atorsinnaavai, nammineerluni atorusunnerusani.

Eqqartuussiviit illuatungeriinnut atassuteqartassaaq oqaatsit illuatungiusup atorusunnerusai atorlugit.

Illuatungeriit oqaaseqaqatigiinngippata, eqqartuussinermi oqalutsi atorneqartassaaq, peqataasut tamarmik ataatsimiinnermi qanoq oqartoqarnera paasissammassuk.

Eqqartuussiviit illuatungeriit allakkatigut saaffiginnissutaat imaluunniit allakkatigut uppernarsaasiissutaat suliap piareersarneqarnerani eqqartuussivimmut nassiuneqartut nutserneq ajorpaat. Allakkatigut uppernarsaasiissutit suliami uppernarsaatitut atorneqartussat, nutserneqartarput tamanna pisariaqartinneqartillugu, eqqartuussinerup nalaani atuaasoqaraangat.

Eqqartuussivimmut akiliinerit

Eqqartuussivimmut akitsuutit kontonr. 6471-1032663-mut akilerneqassapput

Eqqartuussivimmut akitsuut akilerukku eqqaamassavat allassagakkit makku:

 

  • Atit
  • Illuatungerisavit aqqa
  • Illit nammineq journalnormut, peqaruit
  • Eqqartuussiviup suliamut normuliussaa, tamanna ilinnut ilisimatitsissutigineqarsimappat.

Siullermeersumik aalajangiisarfinni (Kalaallit Nunaanni Eqqartuussivik aamma eqqartuussisoqarfiit)
suliamik suliaqarnermut akitsuut imaappoq:

Suliani akiliisitsinermut tunngasuni, illunik il.il. pinngitsaaliissummik tuniniaaneq
(eqqartuussisarnermik inatsimmi kapitali 56) eqqaassanngikkaani: 300 kr.


Illumik, umiarsuarmik timmissartumillu pinngitsaaliissummik tuniniaanermi
(eqqartuussisarnermik inatsimmi § 726): 500 kr.


Saqitsaannerit pillugit suliat nalinginnaat
(eqqartuussisarnermik inatsimmi kapitali 55): 500 kr.


Uppernarsaatinik ilanngussaqartitsineq eqqartuussinertaqanngitsoq
(eqqartuussisarnermik inatsimmi § 718): 400 kr.

Qularnaveeqqusiissutit naalagaaffiullu karsianut akiliutit
kontonr. 6471-1732088-imut akilerneqassapput

 

Biilinik inissiineq

Eqqartuussisoqarfinni sisamaasuni eqqartuussisoqarfiullu Nuummiittup eqqaani, eqqartuussiviit illutaasa eqqaanni biilinut inissiiveqarpoq. Taakku biilinut inissiisarfiit eqqartuussiviit atuisuinit atorneqarsinnaapput.

 

Nalunaarutinik sulianullu allakkianik tunniussineq

Nalunaarutit sulianullu allakkiat, nunatta eqqartuussisuuneqarfianut mailikkut, allakkatigut nassiuneqartut imaluunniit nunatta eqqartuussisuuneqarfianut tunniunneqartut, ullormi pineqartumi tiguneqartutut isigeneqarput, atortussat ammaffiup nalaani tiguneqarpata.

Paasissutissat kingulliit: 07. novembarip 2023