Gå til sidens indhold

Nunatta Eqqartuussisuuneqarfia

29 apr 2021

Nunatta Eqqartuussisuuneqarfia

Allanngortinneqarpoq inuiaqatigiinni sulisitaanermut - K 203/18

Angut 22-nik ukiulik Qeqqata Eqqartuussivianit pisuusutut isigineqarpoq ataasiarluni tillissimasutut pinerluttulerinermi inatsisip §-iisa 102-at malillugu eqqartuunneqarlunilu inissiisarfimmut inissinneqarnermik qaammatini pingasuni.

Unnerluutigisaq suliffigisaminit aningaasanik tillissimavoq. Aningaasat annerpaamik atorsimavai Odsserutigalugit.

Eqqartuussiviup eqqartuussutaa unnerluutigisamit suliareqqitassanngortinneqarsimavoq.

Eqqartuussisuuneqarfimmi suliaq suliarineqarpoq pineqaatissiissutaasimasup nalileeqqiffigineqarnissaatut.

Eqqartuussisuuneqarfiup inerniliinera

Eqqartuussisuuneqarfiup eqqartuussiviup eqqartuussutaa imatut allanngortippaa, unnerluutigisaq eqqartuunneqarluni inuiaqatigiinni sulisitaasussatut nalunaaquttap akunnerini 80-ini. Tamatuma saniatigut eqqartuussisuuneqarfik aalajangerpoq, unnerluutigisap Pinerluttunik Isumaginnittoqarfiup aningaasanoorajunnermut katsorsaanissamik aalajangersagaanik maleruaannissasoq.

Tunngavilersuinermini eqqartuussisuuneqarfiup isiginiarpaa unnerluutigisap inuusuttuunera, pillagaasimannginnera aammalu tamatuma saniatigut inuttut atugai pitsaasuusut. Taakku saniatigut eqqartuussisuuneqarfiup unnerluutigisap nammineerluni nassuernera isiginiarpaa, nammineerluni aningaasanik pinnanniarluni pinnguaatinik atuinini unitsissinnaanagu.

Ulloq aalajangiiffiusoq

Eqqartuussut Nunatta Eqqartuussisuuneqarfianit oqaatigineqarpoq ulloq 22. januar 2019.

Suliap normua: K 203/18

Nunatta Eqqartuussisuuneqarfiata eqqartuussutaa

Qeqqata eqqartuussiviata eqqartuussutaa

Nassuiaat