29 apr 2021
Nunatta Eqqartuussisuuneqarfia
Suliareqqitassanngortitami sakkukillisaaneq - K 222/18
nap 21-nik ukiullip Qaasuitsup Eqqartuussivianit tillinniarsimanermut ulluni 40-ni inuiaqatigiinni sulisitaasussanngorlugu eqqartuussutaa atorunnaarsinneqarpoq tamatumunngalu taarsiullugu ulluni 30-ni pineqaatissinneqarsimasunut inissiisarfimmiittussanngorlugu eqqartuunneqarluni.
Unnerluutigineqartup eqqartuussut eqqartuussisuuneqarfimmut suliareqqitassanngortippaa sakkukillisaasoqarnissaanik piumasaqaatitalerlugu.
Eqqartuussisuuneqarfiup unnerluutigineqartup inuiaqatigiinni sulisitaanermi piumasaqaatinik unioqqutitsisimanera aalajangiiffigisussanngorpaa, matumani peqqutiminik nalunaarutiginneqqaarani Pinerluttunik Isumaginnittoqarfimmi ataatsimiigiaqqussutinut orniguttarsimananilu oqarasuaatikkut sianerneri akisarsimanngimmagit.
Eqqartuussisuuneqarfiup inerniliinera
Eqqartuussisuuneqarfiup eqqartuussiviup eqqartuussutaa allanngorpaa inuiaqatigiinnilu sulisitaanerup sivisussusaa katillugit ukiumut ataatsimut qaammatinullu pingasunut sivitsorlugu nakkutilliinerullu sivisussusaa eqqartuussinermit ukiumik ataatsimik qaammatinillu qulingiluanik sivisussusilerlugu sivitsorneqarluni.
Eqqartuussisuuneqarfiup unnerluutigineqartup piumasaqaammik unioqqutitsisimanerminut nassuiaataa kiisalu unnerluutigineqartup inuttut atugarisai ilanngullugit tunngavilersuutigai.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 28. januar 2019.
Suliap normua: K 222/18
Nunatta Eqqartuussisuuneqarfiata eqqartuussutaa
Qaasuitsup eqqartuussiviata eqqartuussutaa