29 apr 2021
Nunatta Eqqartuussisuuneqarfia
Inuiaqatigiinni sulisitaassasoq - K200/18
Angut 59-inik ukiulik Sermersuup Eqqartuussivianit eqqartuunneqarpoq peqquserluuteqarsimasutut inuiaqatigiinni sulisitaassasoq nalunaaquttap akunnerini 30-ni.
Unnerluussisussaatitaasut eqqartuussut suliareqqitassanngortippaat piumasaqaatigalugu eqqartuussummi malinneqassasut pinerluttulerinermi inatsisip §-iisa 141-ani, imm. 1-imi, oqaaseqatigiinni siullermi, nalunaaquttap akunnerisa ikinnerpaaffissaat sivisussuseqartut nalunaaquttap akunnerinik 40-nik.
Suliap suliarineqarnerani unnerluussisussaatitaasut ulloq 20. septembari 2018-mi suliareqqitassanngortitsinertik taamaatiinnarpaat. Ulloq 24. septembari 2018-imi suliareqqitassanngortitsinermuts nalunaarut eqqartuussiviup eqqartuussutaata sakkortulisinneqarnissaanut tunngasoq unnerluutigisamut nalunaarutigineqarpoq.
Eqqartuussisuuneqarfiup taamaalilluni aalajangertussaavaa, unnerluussisussaatitaasut suliareqqitassanngortitsiinerminnik taamatsitsiinnarnerat pinngitsoorani malinneqassanersoq, tamannami aallaavissatut atuummat, suliareqwqitassanngortitsineq unnerluutigisamut iluaqutaasussaanngimmat, imaluunniit allanngortinneqarsinnaanesoq, soorlu taamaalisoqartoq.
Eqqartuussisuuneqarfiup inerniliinera
Eqqartuussisuuneqarfiup ataasiaannartutut pisutut suliami matumani suliareqqitassanngortitsineq akueraa, unnerluutigisarlu eqqartuunneqarpoq inuiaqatigiinni sulisitaasussatut nalunaqquttap akunnerini 40-ni.
Tunngavilersuutimini eqqartuussisuuneqarfiup ilaatigut allappa, Politimesterip aalajangiinerminik allannguinera piffissap suliareqqitassanngortitsisinnaanerup iluani pisimasoq, eqqartuussisuuneqarfiup pakkersimaassagaa pineqaatissiissummik aalajangiisinnaanera, tamannali inatsimmi periarfissaqanngitsoq, unnerluutigisallu unnerluussisussaatitaasut piumasaqaataannut isumaqataalluni nalunaarsimammat.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 21. januar 2019.
Suliap normua: K 200/18
Nunatta Eqqartuussisuuneqarfiata eqqartuussutaa