29 apr 2021
Nunatta Eqqartuussisuuneqarfia
Tillinniarnernut suliami eqqartuussut - K218/18
Angut 23-nik ukiulik Qaasuitsup Eqqartuussivianit marloriarluni tillinniarsimasutut ataasiarlunilu tilleriaraluarsimasutut pisuutinneqarpoq. Qaammatini pingasuni pineqaatissinneqarsimasunut inissiisarfimmiittussanngorlugu tamatumalu kingorna ukiuni marlunni nakkutigisissanngorlugu eqqartuunneqarpoq.
Fjensynimik fladskærmiusumik aamma kantiinamit pisiassanik tillinniarsimavoq aningaasaasivillu ammariaraluarsimallugu.
Unnerluutigineqartoq siusinnerusukkut maajimi 2017-mi pineqaatissinneqarsimavoq assingusumik pinerluuteqarsimanerminut ukiuni marlunni nakkutigisassanngorlugu.
Eqqartuussisuuneqarfiup inerniliussaa
Eqqartuussisuuneqarfiup unnerluutigineqartup maajimi 2017-mi nakkutigineqarnissamik eqqartuunneqarnerata atuutsiinnarneqarnissaa naleqquttutut nalilerpaa, matumani pineqaatissiissummik ataatsimoortumik assinganillu piumasaqaatitalimmik ukiunilu pingasuni nakkutilliinermik nutaamik aalajangersaasoqarluni.
Eqqartuussisuuneqarfiup ilaatigut tunngavilersuutigaa pinerlunnermi kingullermi tilleriaraluarneq ataasiinnaq pineqartoq, pisimasunilu pingasuusuni pisimasut marluk eqqartuussinissaq kingulleq sioqqullugu pisimasut ilanngullugulu unnerluutigineqartup inuttut atugarisai tunngavilersuutigineqarlutik.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 24. januar 2019.
Suliap normua: K 218/18
Eqqartuussissutit nassuiaatitallit