29 apr 2021
Nunatta Eqqartuussisuuneqarfia
Hampip naasutaanik atugassanik naatitsinermut akiligassiineq - K 004/19
Angut 57-inik ukiulik hashimik 0,44 gramimik tuniniaqqitassamik kiisalu aningaasanik kr. 1.200-nik, hashimik tuniniaanermeersunik, tigummiaqarnermut Eqqartuussisoqarfik Sermersuumit pisuutinneqarsimavoq.
Aammattaaq hampip naasuinik qulinik inerilluarsimasunik najukkamini naatitsinermut, hampip naasutaanik naatitsiniarluni, hashimik tuniniaanissaq siunertaralugu, naatitsivimmik ingerlataqarsimanermut pisuutinneqarpoq. Unnerluussisussaatitaasunit piumasaqaatigineqarpoq naasut nassaarineqartut amerlassusaat hashimut 345 gramip nalinganut naatsorsorneqarsinnaasut. Eqqartuussisoqarfiulli taamaallaat uppernarsarneqarsorisimavaa taakku 100 gramimik naleqartut, unnerluutigineqartorlu kr. 5.000-inik akiligassissimallugu.
Eqqartuussisoqarfiup eqqartuussutaa taanna unnerluussisussaatitaasunit suliareqqitassanngortinneqarpoq, piumasaqaatigineqarluni eqqartuussisoqarfimmut unnerluussissutaasoq malillugu eqqartuussuteqartoqassasoq.
Eqqartuussisuuneqarfiup inerniliinera
Naatsorsueriaaseq U2017.261H-mi issuarneqartoq atorlugu eqqartuussisuuneqarfiup tunngaviutippaa, hampip naasutai nassaarineqartut ilisimasaqarluartumit naatinneqarsimasuugunik marihuanamik 285 gramimik pissarsissutaassagaluartut. Naatitsinerli ilisimasaqarluartumik ingerlanneqarsimanngimmat eqqartuussisuuneqarfiup naatsorsueriaatsimik taassuminnga atuinnginnissaq tunngavissaqarsoraa.
Eqqartuussisuuneqarfiup naatinneqartut annertussusaat 300 gram ataallugu annertussusilermagu, taakkualu amerlanersaat nammineq atugassaallutik, unnerluutigineqartullu siornatigut assingusumik pinerlunnikuunnginnera eqqarsaatigalugu pineqaatissiissut ulluni 7-ini inissiisarfimmiittussanngortitsinermut utaqqisitamut kr. 5.000-inillu akiligassiinermut aalajangersarpaa, naleqq. ikiaroornartut pillugit nalunaarummi § 27, naleqq. § 2, naleqq. liste A, nr. 1, naleqq. pinerluttulerinermi inatsimmi § 12.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 8. februar 2019
Suliap normua: K 004/19
Nunatta Eqqartuussisuuneqarfiata eqqartuussissutaa