Gå til sidens indhold

Nunatta Eqqartuussisuuneqarfia

13 jun 2022

Nunatta Eqqartuussisuuneqarfia

Suliami nassaanik unioqqutitsisumik atuinermut eqqartuussut - K 093/18

Angut 59-nik ukiulik marloriarluni nakuusersimasutut kiisalu nassaanik unioqqutitsisumik atuisimanerminut, matumani sulisitsisorisimasaminit piffissami sivisuumi pisinnaatitaanngitsumik aningaasarsiaqarsimasutut Qaqqata Eqqartuussisoqarfianit pisuutinneqarpoq.

Utaqqisitamik qaammatini arfinilinni pineqaatissinneqarsimasunut inissiisarfimmiittussanngorlugu soorluttaaq sulisitsisorisimasaminut taarsiissutissanik 202.512,00 kr.-nik akiliisussanngorlugu eqqartuunneqarpoq. 

Unnerluutigineqartup eqqartuussisoqarfiup eqqartuussutaa eqqartuussisuuneqarfimmut suliareqqitassanngorlugu ingerlateqqippaa pinngitsuutinneqarnissamillu piumasaqaateqarluni.

Eqqartuussisuuneqarfiup inerniliinera

Eqqartuussisuuneqarfiup unnerluutigineqartoq nakuusernermut tunngatillugu unnerluussutip aappaani pinngitsuutippaa, matumani tunngavilersuutigalugu pinerlinneqartup tungaanit ajoqqusersuisoqarsimanera peqqutigalugu qisuariaatitut nakuusertoqarsimanera, nakuusersimanermilu unnerluussutip aappaani eqqartuussisoqarfiup inerniliinera atuuttussanngortillugu.

Eqqartuussisuuneqarfiup ilanngullugu unnerluutigineqartoq sulisitsisuusimasup paatsuuineranik atornerluisimasutut pisuutippaa matumani pisinnaatitaaffiginngisaminik akissarsisarsimammat, pisimasorli pinerluttulerinermi inatsimmi § 104-mut peqquserluttuliornermut tunngasumut saatsinneqarpoq. 

Eqqartuussisoqarfiup eqqartuussutaa nalunaaquttap akunnerini 80-ni inuiaqatigiinni sulisitaanermut allanngortinneqarpoq tamannalu naammassineqareersimassaaq piffissap sivisunerpaaffiusup qaammatinik arfineq-pingasunik sivisussuseqartup iluani. Unnerluutigineqartoq eqqartuunneqarportaaq sulisitsisorisimasaminut taarsiissutissanik 308.532,36 kr.-nik akiliisussatut.

Ulloq aalajangiiffik

Nunatta Eqqartuussisuuneqarfianit eqqartuussut oqaatigineqarpoq ulloq 8. marts 2019.

Suliap normua: K 093/18

Nunatta Eqqartuussisuuneqarfiata eqqartuussutaa

Qeqqata eqqartuussutaa

Nassuiaat