29 okt 2021
Nunatta Eqqartuussisuuneqarfia
Inissiisarmmiittussanngortitsineq atuuttussanngortinneqarpoq - K 018/19
Angut 40-nik ukiulik Eqqartuussisoqarfik Sermersuumit eqqartuunneqarpoq utaqqisitamik qaammatini pingasuni pineqaatissinneqarsimasunut inissiisarfimmiittussanngortinneqarluni ukiumik ataatsimik misiligaaffilikkamik, 2016-imi taamanikkut aapparisimasaminik toqqusassiisimanermut.
Eqqartuussisoqarfiup eqqartuussutaa unnerluutigineqartumit suliareqqitassanngortinneqarpoq.
Nunatta Eqqartuussisuuneqarfiata inerniliinera
Illuatungeriit nassuiaareernerisigut aamma suliami nakorsamit paasissutissiissutigineqartut tunngavigalugit, eqqartuussisuuneqarfiup uppernarsineqartutut isigivaa unnerluutigineqartup pinerlineqartoq toqqusassisimagaa.
Unnerluutigineqartoq siusinnerusukkut nakuusernermut eqqartuussaareersimammat, suliamilu matumani pisimasoq piliarineqartoq inuiaqatigiinni sulisitaanissamik eqqartuussaanermi nakkutigineqarnerup nalaani pisimammat, aallaavittut pineqaatissiissut utaqqisitaanngitsumik pineqaatissinneqarsimasunut inissiisarfimmiittussanngortitsinermik aalajangersarneqartussaavoq. Piffissaq suliap suliarineqarneranut atorneqartup sivisusimanera pissutigalugu, tamannalu unnerluutigineqartup pisuussutiginngimmagu, eqqartuussisuuneqarfik isumaqarsimavoq sakkukinnerusumik pineqaatissiisoqartariaqartoq.
Tamanna tunngavigalugu eqqartuussisuuneqarfik inerniliissuteqarpoq eqqartuussisoqarfiup eqqartuussutaanik atuuttussanngortitsinermik.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 16. april 2019.
Suliap normua: K 018/19
Nunatta Eqqartuussisuuneqarfiata eqqartuussutaa
Sermersuup eqqartuussiviata eqqartuussutaa