22 apr 2021
Nunatta Eqqartuussisuuneqarfia
Eqqartuussut allanngortippoq K 026/19
Erngunnermi, arnap taamaanikkut 24-inik ukioqartup angut sakiaatigut igaffiup savianik kapivaa, tamatuma kingunerisaanik kinguninngua toqqutigisaanik.
Eqqartuussisoqarfik Sermersuumit arnaq eqqartuunneqarpoq pinerluttulerinermi inatsimmi § 86, imm. 1-imik unioqqutitsinermut, eqqartuunneqarporlu piffissami aalajangersimasumik sivisussusiligaanngitsumi tarnimikkut nappaatilinnut qallunaat napparsimmavissuanni katsorsagaassasoq.
Eqqartuussisoqarfiup eqqartuussutaa arnamit suliareqqitassanngortinneqarpoq piumasaqaatigineqarluni nakuusernermik toqumik kingulimmik eqqartuunneqarnissamik.
Nunatta eqqartuussisuuneqarfiata inerniliinera
Nunatta Eqqartuussisuuneqarfianit suliaq assigiinngitsunik isumaqarfigineqarfigineqarpoq. Eqqartuussisuuneqarfiup eqqartuussisuisa marluk uppernarsineqartutut isumaqarifigivaat arnaq nakuusersimasoq toqumik kinguneqartumik, aammalu pingaartinneqarluni arnap pisuunerarnera aammalu pinerliinerup nalaani isummamigut qanoq issimanera. Eqqartuussisup ataatsip uppernarsineqartutut isigivaa, arnap siunertarisimagaa angut toqussallugu, pingaartillugu ilaatigut arnap angut aneersuartarfimmut malissimammagu, tassanilu savimmik kapisimallugu kinguninngualu inimut utersimalluni pulaartut sinneri tassaniittut, paasititsisimanngilarlu maannakkut toqukkut qimaggussimasoq ikiortariaqartoq.
Eqqartuussisuuneqarfik amerlanerussuteqartut isumaat malillugu eqqartuussaatitsivoq, arnarlu pisuutinneqarpoq nakuusernermut toqumik kingunilimmik.
Eqqartuussisunit pineqaatissiissut isumaqatigiissutigineqarpoq, taanna aalajangersarneqarsimavoq Danmarkimi tarnimikkut nappaatillit napparsimmavissuani inissiisoqassasoq. Eqqartuussisunit pingaartinneqarpoq ilaatigut Danmarkimi tarnimikkut nappaatillit napparsimmavissuaniinnini iluaqutigimmagu annertuumik aaqqissukkamik sinaakkutilimmik piffimmi katsorsarneqarneq, tassani taarsiullugu inissinneqarsimammat suliap suliarineqarnerani.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 17. april 2019.
Suliap normua: K 026/19
Nunatta Eqqartuussisuuneqarfiata eqqartuussutaa
Sermersuup eqqartuussiviata eqqartuussutaa