Gå til sidens indhold

Nunatta Eqqartuussisuuneqarfia

17 sep 2020

Nunatta Eqqartuussisuuneqarfia

Pinngitsaaliisimanermi & pinngitsaaleeriarnermi eqqartuussut - K 091/19

Angut 31-inik ukiulik Eqqartuussisoqarfik Kujallermit pisuutinneqarpoq ilaatigut marloriarluni pinngitsaaliinermut aamma pinngitsaaleeriarnermut, kiisalu pisimasuni arlalinni nakuusersimasutut aamma aserorterisimasutut.

Siusinnerusukkut arlaleriarluni pinngitsaaliinermut pineqaatissinneqarnikuuvoq. Eqqartuussisoqarfimmit eqqartuunneqarpoq aalajangersimasumik sivisussusiligaanngitsumik immikkut isumagisassanngortinneqarluni tarnimikkut nappaatilinnut inissiisarfimmi. Pinngitsaaliinernut marlunnut unnerluutigineqartoq niviarsiaqqat tamaasa immikkut 60.000 kr.-inik ajunngitsorsiassaannik akiliisussanngortinneqarpoq. Taamatullu aamma unnerluutigineqartoq aserortikkaminut taarsiisussanngortinneqarluni.

Nunatta Eqqartuussisuuneqarfiata inerniliinera

Unnerluutigineqartoq nunatta eqqartuussisuuneqarfianit pinngitsaaliinermut ataatsimut pinngitsuutinneqarpoq, ilaatigut isiginiarneqarluni ilisimannittup nassuiaataa pisimasoq pillugu qularnartortaqarmat aamma ataqatigiinngimmat qanoq pisoqarsimanera pillugu. Sinnerini eqqartuussisoqarfiup eqqartuussutaa atuuttussanngortinneqarpoq, taamaalillunilu unnerluutigineqartoq nunatta eqqqartuussisuuneqarfianit eqqartuunneqarpoq aalajangersimasumik sivisussusiligaanngitsumik immikkut isumagissassanngortinneqarluni.

Nunatta Eqqartuussisuuneqarfia aalajangersaavoq mitagaanermut ajunngitsorsiassanik akiliisitsisoqassasoq 60.000 kr.-inik aamma 40.000 kr.-inik pinngitsaaliisimanernut aamma pinngitsaaleeriarnermut.

Ulloq aalajangiiffik

Nunatta Eqqartuussisuuneqarfianit eqqartuussut nalunaarutigineqarpoq ulloq 28. august 2019

Suliap normua: K 091/19

Nunatta Eqqartuussisuuneqarfiata eqqartuussissutaa

Eqqartuussivik kujalliup eqqartuussutaa

Nassuiaat