29 apr 2021
Nunatta Eqqartuussisuuneqarfia
15-it ataallugit ukiulimmik kinguaassiutaatigut atoqateqarsimanermut eqqartuussut - K164/19
Angut 33-inik ukiulik Qaasuitsup eqqartuussisoqarfianit eqqartuunneqarpoq ulluni 30-ni pineqaatissinneqarsimasunut inissiisarfimmiittussanngortinneqarluni meeqqamik 15-it inorlugit ukiulimmik kinguaassiutitigut atoqateqarsimanermut. Tamatuma saniatigut meeqqamut ajunngitsorsiassanik 10.000 kr.-inik akiliisussanngortitaanermik eqqartuunneqarpoq. Unnerluutigineqartup eqqartuussisoqarfiup eqqartuussutaa suliareqqitassanngortippaa pinngitsuutinneqarnissamik piumasaqaateqaateqarluni
Nunatta eqqartuussisuuneqarfiata inerniliinera
Unnerluutigineqartoq nunatta eqqartuussisuuneqarfianit pinngitsuutinneqarpoq, uppernarsineqanngimmat, unnerluussisussaatitaasunit oqaatigineqarneratut atoqatiginninnermik pisimaaneraaneq. Nunatta eqqartuussisuuneqarfiata pingaarluinnartutut pingaartippaa suliami pinerlineqartoq pisimasoq pillugu paasissutissiisinnaanngimmat, eqqartuussisuuneqarfimmi nassuiaateqarluni eqqaamasaqannginnerarluni. Taamatullu aamma eqqartuussisuuneqarfimmit pingaartinneqarluni, ilisimannittut – suliami ilisimasaminnik tunngavigimmassuk sms-ikkut pineqartumiit nassiunneqarsimagaanerartut, maannakkullu piiarneqarsimasut.
Ulloq aalajangiiffik
Nunatta Eqqartuussisuuneqarfianit eqqartuussut nalunaarutigineqarpoq ulloq 8. januar 2020-imi.
Suliap normua: K164/19
Nunatta Eqqartuussisuuneqarfiata eqqartuussutaa
Qaasuitsup Eqqartuussisoqarfiata eqqartuussutaa