31 mar 2022
Nunatta Eqqartuussisuuneqarfia
Qaammatini sisamani pineqaa. inissiisarfimmiittussanngorlugu - K 188/20
Arnaq 43-nik ukiulik Qeqqata Eqq. pisuutinneqarpoq aningaasanik katillugit 324.500 koruuninik nunatsinniit annisseriarsimagaluarmat, aangajaarniutinik 1 kilo missaani hashimik tunisanit. Arnap uiata ilisimasimanngilaa nuliani aningaasanik taamak amerlatigisunik nassartoq. Pinngitsuutinneqarpoq.
Eqqartuussissut Nunatta Eqqartuussisuuneqarfianit oqaatigineqarpoq ulloq 10. december 2020.
Nunatta eqqartuussisuuneqarfiata eqqartuussisoqarfimmitulli tunngavilersuut isumaqataaffigivaat, tassa angutip pinngitsuutitaanera, aamma arnaq pisuutinneqarnera pinerluttulerinermi inatsit § 111 naapertorlugu pinerluuteqarnikkut pissarsiat pillugit. Aamma nunatta eqqartuussisuuneqarfianut uppernarsineqanngilaq, aanngajaarniutit ikiaroornartullu pillugit pinerluuteqarnikkut pissarsiaanersut, taamaattumik eqqartuussisoqarfiup eqqartuussutaa atortussaatiinnarneqarpoq tassa pisuunermut apeqqummut tunngatillugu.
Pineqaatissiissummik aalajangiinermut atatillugu toqqammavigineqassaaq, aningaasat aaqqissuussamik pinerluuteqarnerminngaanneerneri, ilisimasaqarluartumit piliaanertut malunnarmat. Tassunga tunngatillugu oqaatigineqassaaq, aningaasat poortorneqarsimammata silaannaarlugit aamma nassatamut uuttortarneqarnikumut toqqoriaraluarneqarsimammata. Tamatumalu kingorna aningaasat annertussusaat eqqarsaatigalugit imaannaanngitsumik inatsimmik unioqqutitsisoqarsimanera pineqarmat, tamannalu qaammatinik sisamanik pineqaatissinneqarsimasunut inissiisarfimmiittussanngortitsinermik kinguneqartariaqarpoq.
Unnerluutigineqartoq arnaq arsaarinnissuteqarnissamik piumasaqaammut tunngatillugu akerliliinngilaq, taamaattumik piumasaqaat malinneqarpoq.
Nunatta eqqartuussisuuneqarfia aamma isumaqarpoq, unnerluutigineqartup arnap suliamut aningaasartuutit akilissagai innersuussutigalugu, aningaasatigut pinerluuteqarneq pineqarmat siunertarineqarluni aningaasatigut annertuumik pissarsinissaq.
Eqqartuussisoqarfiup eqqartuussutaa allanngortinneqarpoq, imaalilluguli arnamut tunngatillugu pineqaatissiisut qaffanneqarluni qaammatini sisamani pineqaatissinneqarsimasunut inissiisarfimmiittussanngorlugu.
Arnap suliamut aningaasartuutit akilissavai, arnamut tunngasortai.
Sinnerinilu eqqartuussisoqarfiup eqqartuussutaa atortussaatiinnarneqarpoq.
Suliap normua: K 188/20
Eqqartussissutit nassuiaatillu