11 mai 2021
Nunatta Eqqartuussisuuneqarfia
Nakuusernermut pinngitsaaliillunilu eqqartuussut- K098/19
Angut 52-inik ukiulik Sermersuup Eqqartuussivianit eqqartuunneqarpoq katsorsagassatut pinerluttulerinermi inatsisip nakuusernermut aalajangersagaanik unioqqutitsisimasutut
Nunatta eqqartuussisuuneqarfiata inerniliinera
Unnerluussisussaatitaasut eqqartuussut suliareqqitassanngortippaa sakkortulisaanissaq siunertaralugu, eqqartuussisuuneqarfiullu eqqartuussivik akimorlugu uppernarsineqartutut isigaat, unnerluutigisaq nakuusersimasoq aamma pinngitsaaliilluni atoqatiginnissimasutut. Eqqartuussisuuneqarfik pinerlisap nassuiaataa pingaartutut isigaa, nassuiaat nalorninani nassuiaataammat, aammalu suliami nakorsanit paasissutissat, taakku pinerlisap nassuiaataanut tapersiimmata.
Eqqartuussisuuneqarfiup unnerluutigisaq eqqartuuppaa Danmarkimi tarniluttunut napparsimmavissuarmi katsorsarneqartussatut, pineqaatissiissullu pffissamik sivisunerpaaffilerneqanngilaq.
Tamatuma saniatigut eqqartuussisuuneqarfiup pinerlisaq taarsiiffigineqartussanngortippaa 100.000 koruuninik mitagaasimanermut, aammalu pingaartutut isigalugu, tassani pineqarmat saassussilluni pinngitsaaliilluni atoqateqarneq.
Ulloq aaliangiiffik
Eqqartuussut Nunatta Eqqartuussisuuneqarfianit oqaatigineqarpoq ulloq 5. februaari 2020
Suliap normua: K098/19
Nunatta Eqqartuussisuuneqarfiata eqqartuussutaa
Sermersuup eqqartuussiviata eqqartuussutaa