14 jun 2022
Nunatta Eqqartuussisuuneqarfia
Imigassartorsimatilluni ingerlatsisimanermut tunngasumi - K 184/19
Angut 34-nik ukiulik Eqqartuussisoqarfik Qaasuitsumit marloriarluni imigassartorsimatilluni ingerlatsisimasutut kiisalu ataasiarluni akuerineqarani atuisimasutut eqqartuunneqarpoq.
Unnerluutigineqartoq ingerlatsinermi aappaani pinngitsuutinneqarpoq suliami paasissutissat naapertorlugit unnerluutigineqartup sooq tigusarineqarsimanera ersinngimmat.
Unnerluutigineqartoq ulluni 14-ni utaqqisitamik pineqaatissinneqarsimasunut inissiisarfimmiittussanngorlugu eqqartuunneqarpoq, soorluttaaq ukiup aappaata affaani ingerlatsisinnaanermut allagartaajarneqartoq. Ilanngullugu ilassutitut akiligassinneqarpoq 9.000 kr.-nik.
Tamatuma saniatigut unnerluutigineqartoq ingerlatami piginnittuanut oqaqqaarani atuisimanerminut taarsiisussanngortitaavoq.
Eqqatuussisuuneqarfiup inerniliinera
Pisoq imigassartorsimatilluni ingerlatsisimaneq pinngitsuutitsinermik inerneqartoq eqqartuussisuuneqarfimmi taamaallaat naliliiffigineqarpoq. Eqqartuussisuuneqarfiup suliami paasissutissat aallaavigalugit tunngavilersuutigaa, unnerluutigineqartoq imigassartorsimatilluni ingerlatsisimanermut pisuusoq, peqqutigalugu eqqartuussisuuneqarfiup tunngavilersuutigimmagu unnerluutigineqartoq biilinik ingerlatsisimasoq apummit kaanngarniarsarisimagami taamaalillunilu imigassartorsimatilluni ingerlatsisimasutut pisuulluni.
Eqqartuussisuuneqarfiup arsaarinninnerup piffissalerneqarnera ukiunut pingasunut qaammatinullu arfinilinnut aalajangersarpaa akiligassallu annertussusaa 5.000 kr.-nut apparlugu. Ilanngullugu eqqartuussiviup eqqartuussutaa atuuttussanngortinneqarpoq.
Aalajangiinerup ullua
Eqqartuussut Nunatta Eqaartuussisuuneqarfiup oqaatigaa ulloq 12. marts 2020
Suliap normua: K 184/19
Eqqartuussissutit nassuiaatillu