Gå til sidens indhold

Nunatta Eqqartuussisuuneqarfia

07 mai 2020

Nunatta Eqqartuussisuuneqarfia

Akiuuteriarsinnaanngitsumik atoqatiginninneq - K 247/19

Angut 25-nik ukiulik pinerlineqartup sininnerani akiuuteriarsinnaanngitsumik atoqatiginnissimanermut Eqqartuussisoqarfimmit Kujallermit pinngitsuutinneqarpoq.

Unnerluutigineqartoq aqqusinertigut angallannermut inatsimmik arlaleriarluni unioqqutitsinermut kiisalu aallarussinermut eqqartuunneqarpoq qaammammi ataatsimi inissiisarfimmiittussanngortinneqarluni, taamatuttaaq ukiumi ataatsimi biilersinnaanermut allagartaajarneqarpoq kr. 2.000-inillu akiligassinneqarluni.

 Eqqartuussisuuneqarfiup inerniliinera

Eqqartuussisuuneqarfiup unnerluutigineqartoq akiuuteriarsinnaanngitsumik pinngitsaaliilluni atoqatiginnissimanermut pisuutippaa, tassami peersaq niviarsissap utsuisa ammaneranni nanineqartoq unnerluutigineqartumeersuuvoq. Eqqartuussisuuneqarfiup pingaartippaattaaq pinerlineqartup pisoq pillugu nassuiaataa uppernartoq. Eqqartuussisuuneqarfiup pineqaatissiissut qaammatini sisamani inissiisarfimmiittussanngortitsinermut aalajangersarpaa akiligassiissullu kr. 3.000-inut qaffallugu.

Piffissaq suliap suliarineqarneranut atorneqartoq ukiunik marlunnik sivisussuseqartoq, unnerluutigineqartup kisimi pisuussutiginngisaa, eqqarsaatigalugu aamma unnerluutigineqartup siornatigut pineqaatissinneqarnikuunnginnera eqqarsaatigalugu inissiisarfimmiittussanngortitsinermik utaqqisitanngortitsinissaq, ukiuni marlunni misiligaaffiliinissaq pillugu piumasaqaatitalimmik,  eqqartuussisuuneqarfiup qaqutigoortumik tunngavissaqarsoraa.

Eqqartuussisuuneqarfiup mitagaaneq pillugu pinerlineqartumut taarsiissutissat kr. 50.000-inut aalajangersarpai.

Ulloq aalajangiiffiusoq

Eqqartuussut Nunatta Eqqartuussisuuneqarfianit oqaatigineqarpoq ulloq 7. maj 2020

Suliap normua: K 060/20

Nunatta Eqqartuussisuuneqarfiata eqqartuussutaa

Eqqartuussivik kujalliup eqqartuussutaa

Nassuiaat