13 jun 2022
Nunatta Eqqartuussisuuneqarfia
Kannguttaattuliorsimanermut suliami eqqartuussut - K 055/20
Angut 67-inik ukiulik Qeqqata Eqqartuussiviani eqqartuunneqarpoq inissiisarfimmut inissinneqartussatut qaammatini sisamani pinaaseriarsinnaanngitsumik kujanninnermik allaanerusumik kinguaassiuutitigut atoqateqarneq arnaq sinittoq nalikkaavisigut attuualaarsimallugu.
Arnaq angutip inissiami najugaanut pisoq sioqqutitsiarlugu isersimavoq. Inunnik allanik taakku saniatigut isersimasoqanngilaq. Ippassammat unnuakkut arnaq sinippiarsimanngilaq, taamaattumik angutip sofanut innakarsimavoq sininniarluni.
Angutip suliaq eqqartuussisuuneqarfimmut suliareqqitassanngortippaa pinngitsuutitaaniarluni.
Eqqartuussisuuneqarfiup inerniliinera
Eqqartuussisuuneqarfik eqqartuussivittuulli isumaqarpoq, uppernarsineqartoq, angutip arnaq nalikkaavisigut attuualaarsimagaa. Eqqartuussisuuneqarfilli isumaqarpoq, qulakkiivillugu pisuutitsinissamut naammattumik uppernarsineqanngitsoq, attuualaarinninneq atoqateqarnermut eqqaanartumik pisimanersoq, taamaasttumillu pisimasoq nalilerneqarpoq peqqarniitsumik kannguttaattuliornerusoq. Pineqaatissiissutissatut aalajangiunneqarpoq inissiisarfimmut inissinneqarneq qaammatini marlunni, arnarlu mitagaasimanermut taarsiifigineqassasoq 15.000 koruuninik
Aalajangiinerup ullua
Nunatta Eqqartuussisuuneqarfiata eqqartuussut oqaatigaa ulloq 4. juuni 2020
Suliap normua: K 055/20
Nunatta Eqqartuussisuuneqarfiata eqqartuussutaa
Qeqqata eqqartuussiviata eqqartuussutaa
Nassuiaat