10 feb 2021
Nunatta Eqqartuussisuuneqarfia
Tissassarnikkut kanngutsaattuliornermut pinngitsuutitsineq - K 067/20
Angut 34-nik ukiulik Sermersuup Eqqartuussivianut unnerluutigisaavoq kanngutsaattuliorsimasutut tissassarnermigut, taamaaliorneranilu panissaa itersimavoq takullugulu. Unnerluutigisaq pisuunnginnerarpoq nassuiaallunilu, nammineq imatut isumaqarluni, inimiittut tamarmik sinittut tissassarluni.
Panissaa nassuiaavoq, itersimalluni takullugulu unnerluutigisaq tissassartoq, aammalu sivikitsuaqqamik isimikkut imminnut isigisimallutik.
Eqqartuussivik isumaqarpoq, pinerluttulerinermi inatsisip §-iisa 84-iani pinerlunnerup allaaserineqarnera naammassineqarsimanngitsoq, panissaa sinimmat, aammalu tamatuma saniatigut kanngunartumik pisoqarsimanngirtsoq. Taamaalilluni unnerluutigisaq pinngitsuutinneqarpoq.
Nunatta Eqqartuussisuuneqarfiata inerniliinera
Nunatta Eqqartuussisuuneqarfiata eqqarttuusivittuulli toqqammavigaat, unnerluutigisaq tissassarsimasoq nuliani panissanilu inimi tassaneeqatigalugit. Taamaaliornerup panissaa kanngutsaattuliorfigisimagaluarpaguluunniit nunatta eqqartuussisuuneqarfiata uppernarsinngilaat, unnerluutigisaq kanngutsaattuliornissamut siunertaqarsimanersoq. Taamaalilluni nunatta eqqartuussisuuneqarfiata toqqammavigaa, unnerluutigisaq isumaqarsimasoq inimiittut tamarmik sinittut, aammalu ini taarsimasoq, aammalu unnerluutigisap siunertarisimanngikkaa tissassarnini allanit isiginnaarneqarnissaa.
Tamatuma kingorna nunatta eqqartuussisuuneqarfiata eqqartuussiviup pinngitsuutitsilluni eqqartuussutaa atortussanngortippaa.
Aalajangiinerup ullua
Eqqartuussut Kalaallit Nunaata Eqqartuussisuuneqarfianit oqaatigineqarpoq ulloq 3. juuni 2020.
Suliap normua: K 067/20
Eqqartuussissutit nassuiaatillu