21 mar 2022
Nunatta Eqqartuussisuuneqarfia
Utaqqisitamik inissiisarfimmiittussanngortinneqarpoq - K 248/19
Unnerluutigineqartoq Sermersuup Eqq. makkuninnga unioqqutitsinermut unnerluutigineqarpoq § 79 - meeqqamik 15-it inorlugit ukiulimmik kinguaassiuutaatigut atoqatiginninneq, § 102 - tilliniarneq kiisalu imigassartorsimatilluni imaatigut angalaneq kingornalu annaanniarneqartariaqarimalluni.
Eqqartuussissut Nunatta Eqqartuussisuuneqarfianit oqaatigineqarpoq ulloq 3. juni 2020.
Unnerluutigineqartoq eqqartuussisoqarfimmi pisuunerarnini tunngavigalugu pisuutinneqarpoq marloriarluni niviarsiaqqanik 13-inik ukiulinnik kinguaassiutitigut atoqateqartarsimanermut, niviasiaqqat ukiuinut tunngatillugu piaaraluni iliuuseqartarsimalluni. Taamatuttaaq unnerluutigineqartoq eqqartuunneqarpoq imaatigut angallannerup isumannaatsuunissaa pillugu inatsimmi § 29 a-mik unioqqutitsinermut kiisalu pinerluttulerinermi inatsimmi § 102 unioqqutinneranut eqqartuunneqarpoq. Suliaq Nunatta Eqqartuussisuuneqarfianit sivisussisiliilluni suliareqqitassanngortitatut suliarineqarpoq.
Eqqartuussisoqarfiup eqqartuussutaa imatut allanngortinneqarpoq, unnerluutigineqartoq eqqartuunneqarluni qaammatini pingasuni pineqaatissinneqarsimasunut inissiisarfimmiittussanngortinneqarluni kiisalu akiligassinneqarluni 4.000 kr.-inik. Pineqaatissiissummik aalajangersaanissaq kinguartinneqarpoq atorunnaassaarlu ukiut marluk misligaaffioreerpata.
Unnerluutigineqartup Kalaallit Nunaata Politiivinut taarsiissutitut akilissavai 15.000 kr.-it
Unnerluutigineqartup, niviarsiaqqap mitagaaneranut ajunngitsorsiassaatut akilissavai 15.000 kr.-it.
Unnerluutigineqartup, niviarsiaqqap aappaata mitagaaneranut ajunngitsorsiassaatut akilissavai 15.000 kr.-it.
Suliap normua: K 248/19