13 jun 2022
Nunatta Eqqartuussisuuneqarfia
Pinngitsuutitaaneq - K 076/20
Angutit 21-nik 22-nillu ukiullit unnerluutigineqarput arnamik pinngitsaaliillutik atoqateqarsimanerminnut. Angutit eqqartuussivimmi pinngitsuutinneqarput, uppernarsineqanngimmat nakuusernikkut imaluunniit nakuusernermik siorasaarinikkut arnamut atoqateqarsimanermik.
Eqqartuussissut Nunatta Eqqartuussisuuneqarfianit oqaatigineqarpoq ulloq 22. juli 2020.
Suliami pisimasoq arnamut eqqartuussisoqarfik assigalugu eqqartuussisuuneqarfik isumaqarpoq ima qularnaatsigisumik uppernarsineqanngitsoq eqqartuussutaasinnaasumik, unnerluutigineqartut nakuusernikkut imaluunniit nakuusernermik siorasaarinikkut arnamut atoqatiginnissimallutik.
Nunatta Eqqartuussisuuneqarfiata ilaatigut pingaartippaa unnerluutigineqartut pinngitsaaliisimanermut pinngitsuunerarnerat, aamma marluullutik uppernartumik aalajangiusimannillutillu nassuiaateqarmata. Unnerluutigineqartoq1 nassuiaavoq arnaq atoqatigisimanagu, unnerluutigineqartoq2 nassuiaavoq nam-mineq paasinninnermisut kajungeqatigiillutik arnaq atoqatigisimallugu. Miserratigivaa pinngitsaaliisimaneq, nakuuserneq imaluunniit siorasaarinikkut arnamik taanna piumanngitsoq atoqatiginnissimaneq.
Illuatungaani arnap nassuiaataani arlalitsigut nalorninartoqarpoq. Ilaatigut suliap suliarineqarnerani pingaarnersaasigut nassuiaateqarnini allanngortimmagu. Suliaq politiinut nalunaarutigigamiuk pinerliisut isikkui oqaatigiva, oqaatigineqartullu unnerluutigineqartut isikkuinut naapertuutinngillat. Taamatullu aamma nalunaarutiginninnerminut atatillugu oqaatigivaa pinerluusut ilisarisimanagit, kisiannili kingusinnerusukkut nassuiaateqarluni unnerluutigineqartup2 oqarasuaataata normua pigalugu aammalu taanna sianerfigisimallugu nalunaarutiginninnini ullualunnik sioqqullugu. Aammalu ilaatigut eqqartuussisoqarfimmi ilaatigut nassuiaateqarpoq, unnerluutigineqartoq2 ineeqqamut sumiiffimminut isermat truuseqarsimalluni tassani pinngitsaalineqarnermi, nunattali eqqartuussisuuneqarfiani nassuiaavoq tamatuma nalaani atisaqanngivissimalluni.
Ataatsimut uppernarsaatinik nalilersuereernermi, nangaanartinneqanngilaq arnap nassuiaataataa tunuartinneqarnissaa. Taamaalilluni nunatta eqqartuussisuuneqarfia isumaqarpoq qularnaatsumik uppernarsineqanngitsoq, unnerluutigineqartut pinngitsaaliinermut pisuutissallugit, aamma suliami pisimasoq 2 suliareqqitassanngortinneqanngimmat eqqartuussisoqarfiup eqqartuussutaa atuuttussanngortinneqarpoq.
Allatut inerniliissutaasinnaanngilaq unnerluutigineqartup1 DNA-va arnap utsuini nassaarineqartoq. Ilaatigut pingaartinneqarmat suliami paasissutissat naapertorlugit tunuatinneqarsinnaanngimmat misissugassaq nassaarineqartoq arnami unnerluutigineqartoq2-meersuusinnaanera.
Eqqartuussisoqarfiup eqqartuussutaa atuuttussanngortinneqarpoq.
Suliap normua: K 076/20
Eqqartuussissutit nassuiaatillu