Utaqqisitaanngitsumik ulluni 50-ini inissiisarfimmi - K 116/20

Eqqartuussissut Nunatta Eqqartuussisuuneqarfianit oqaatigineqarpoq ulloq 22. juli 2020.

Nunatta Eqqartuussisuuneqarfiata unnerluutigineqartup pisuuneranut uppernarsaatit pillugit eqqartuussisoqarfiup nalilersuisimanera isumaqatigaa. Eqqartuussisuuneqarfiup ingammik niviarsiaqqap peqqissaartumik uppernartumillu nassuiaanera tunngavilersuutigaa, matumani nassuiaatigimmagu unnerluutigineqartup immussuup qapiutaa qanerminut pulasissimagaa arnamit allamit tallimigut kiiteqqanermi nalaani.

Nunatta Eqqartuussisuuneqarfiata eqqartuussisoqarfik assigalugu nalilerpaa meeqqamut sakkortuumik nukersorneq pineqartoq, tamannalu pinerluutaasoq sakkortooq aallaaviusumik pineqaatissinneqarsimasunut inissiisarfimmiittussanngortitsinermik kinguneqartinneqartariaqartoq.

Suliap suliarineqarnera sivisooq unnerluutigineqartumit peqquteqanngitsoq peqqutaalluni kiisalu inuttut atugarisai eqqarsaatigalugit, eqqartuussisuuneqarfiup nalilerpaa suliami matumani pineqaatissiissutip utaqqisitanngortinneqarnissaa naapertuuttoq.

Tamatuma kinguneranik pineqaatissiissut ukiumi ataatsimi misilinneqarfiusumik utaqqisitamik ulluni 50-ni pineqaatissinneqarsimasunut inissiisarfimmiittussanngorlugu aalajangersarneqarpoq, tak. pinerluttulerinermi inatsimmi § 88, tak. § 129. 

Eqqartuussisoqarfiup eqqartuussutaa allannguutitalerlugu atuuttussanngortinneqarpoq pineqaatissiissut utaqqisitamik ulluni 50-ni pineqaatissinneqarsimasunut inissiisarfimmiinnertut aalajangersarlugu. Pineqaatissiissut kinguartinneqarpoq atorunnaassallunilu ukioq ataaseq misiligaaffiliunneqartoq qaangiuppat unnerluutigineqartoq misiligaaffiusumi nutaamik pinerluuteqarsimanngippat.

Suliap normua: K 116/20

Eqqartuussissutit nassuiaatillu