Gå til sidens indhold

Nunatta Eqqartuussisuuneqarfia

27 dec 2021

Nunatta Eqqartuussisuuneqarfia

2.000 kruuninik akiligassinneqarneq - K 168/20

Arnaq 59-nik ukiulik pisuutinneqarpoq pinerluttulerinermi inatsit § 88 - nakuuserneq unioqqutissimagaa, katersortarfimmi, arnat ukiortaarsiorneranni, arnaqatini saassussimallugu tilluarlugu aammalu isimmittarlugu, kingunerisaanik tungujorneqalersillugu.

Eqqartuussissut Nunatta Eqqartuussisuuneqarfianit oqaatigineqarpoq ulloq 14. januar 2021.

Unnerluutigineqartoq Qaasuitsup Eqqartuussisoqarfiata eqqartuussutaani ullormi 19. december
2019 pisuutinneqarpoq unioqqutitsinermut pinerluttulerinermi inatsimmi § 88-imik.

Eqqartuussisoqarfiup uppernarsaasiissutinik inerniliinerani tunngavigineqarpoq, pisimasoq
sioqqullugu unnerluutigineqartup aamma arnat najuuttut akornanni parruttoqalersimasoq.

Nunatta eqqartuussisuuneqarfiata eqqartuusisoqarfik assigalugu tunngavigivaa, unnerluutigineqartup
qungasersillugu qajannaaqqasimagaa, tamatumalu kingornatigut pineqartoq isimminneqarsimalluni,
aamma tamatuma kingornatigut unnerluutigineqartup pineqartoq niuatigut isimmissimagaa
aamma kiinaatigut kasussimagaa.

Iliuuserineqartup isikkua sanilliunneqarsinnaavoq imerniartarfimmi parrunnertut, aamma
nunatta eqqartuussisuuneqarfia isumaqarpoq unnerluutigineqartup inuttut atugarisaani paasissutissat
tunngavigalugit, ajoqusiinerit annikitsuinnaasut aamma suliap nutaanngissusia isigineqarluni,
suliaq aalajangersaaffigineqarsinnaavoq akiligassinneqarnikkut 2.000 kr.-inik, tak.
Pinerluttulerinermi inatsimmi § 127.

Taamaalilluni nunatta eqqartuussisuuneqarfia isumaqanngilaq pisariaqartoq allatigut
pinaveersaartitsissutaasumik unnerluutigisap tungaaniit inatsisinik unioqqutitsinermut
pinaveersaartitsissutaamik iliuuseqartoqassasoq, unnerluutigineqartup eqqartuunneqartariaqarneranik
utaqqisitaanngitsumik inissiisarfimmiititsissutaasumik.

Eqqartuussisoqarfiup eqqartuussutaa allanngortinneqarpoq imaalillugu, unnerluutigineqartoq eqqartuunneqarpoq akiligassinneqarluni 2.000 kr.-inik. Sinnerini eqqartuussisoqarfiup eqqartuussutaa
atuuttussanngortinneqarluni.

 

Suliap normua: K 168/20

Eqqartuussissutit nassuiaatillu