27 okt 2021
Nunatta Eqqartuussisuuneqarfia
Ukiukitsumik pinngitsaaliilluni atoqatiginninneq - K 233/21
Angut 19-nik ukiulik Sernmersuup eqqartuussivianit qaammatini arfineq pingasuni pineqaatissinneqarsimasut inissiisarfianiittussanngortinneqarpoq makkuninnga unioqqutitsisimagami, ukiukitsumik pinngitsaaliilluni atoqatiginninneq aammalu ukiukitsumik kinguaassiuutaatigut atoqatiginninneq.
Eqqartuussissut Nunatta Eqqartuussisuuneqarfianit oqaatigineqarpoq ulloq 27. oktober 2021.
Unnerluutigineqartoq eqqartuunneqarpoq unioqqutitsinermut pinerluttulerinermi inatsimmi § 77, imm. 1, nr. 1, aamma § 79, niviarsiaqqamik 14-inik ukiulimmik pinngitsaaliilluni atoqatersimanermut aamma niviarsiaqqamik allamik atoqatiginninnermut piffissap nalaani 13-inik ukioqartumik.
Pisimasut pissusiisa peqqarniitsuunerat, aammalu unnerluutigineqartup ukiuisa saniatigut sakkukillisaataasinnaasoqanngimmat, pineqataatissiissut aalajangersarneqarpoq ukiumi ataatsimi aamma qaammatini qulingiluani pineqaatissinneqarsimasunut inissiisarfimmiittussanngortitsinermik.
Nunatta eqqartuussisuuneqarfianit piumasaqaatigineqartoq mitagaanermut ajunngitsorsiassat 100.000 kr.-iusut akilerneqarnissaat niviarsiaqqamut tunngatillugu taarsiissuteqarnissamut akisussaassuteqarnermik inatsimmi § 26 tunngavigalugu malinneqarpoq, nunatta eqqartuussisuuneqarfianit pingaartinneqarmat pisimasup piliarineqarsimanera april 2019-mi, ajunngitsorsiassaliisarnerup qaffanneqarfiani.
Unnerluutigineqartoq ukiumi ataatsimi aamma qaammatini qulingiluani pineqaatissinneqarsimasunut inissiisarfimmiittussanngortinneqarpoq.
Unnerluutigineqartup niviarsiaqqamut ullut 14-it qaangiutsinnagit akilissavai 100.000 kr.-it. Aningaasat ernialersorneqassapput taarsiissuteqarnissamut akisussaassuseqarnermik inatsimmi § 16 naapertorlugu.
Suliap normua: K 233/21