22 feb 2022
Nunatta Eqqartuussisuuneqarfia
Inatsimmik aanngajaarniutit pillugit unioqqutitsineq- K 230/21
Angut 42-nik ukiulik pisuutinneqarpoq utaqqisitaanngitsumillu ulluni 30-ni pinerluuteqarsimasut inissiisarfimmiittussanngortitaalluni, unioqqutitsilluni Danmarkinmiit Nunatsinnut hashimik 170 gramimik eqqusseriaraluarmat.
Eqqartuussissut Nunatta Eqqartuussisuuneqarfianit oqaatigineqarpoq ulloq 18. oktober 2021.
Nunatta eqqartuussisuuneqarfianit eqqartuussisoqarfimmit tunngavilersuutit isumaqatigineqarput, tassa unnerluutigineqartup nassuiaataa nammineq atugassamisut ataqatigiinngimmat assigalugu qaammatini pingasuni atuinissamut, aamma tassani pineqartoq tassaammat hashi anngiortumik eqqunneqarsimasoq tuniniaqqinnissaa siunertaralugu.
Nunatta eqqartuussisuuneqarfiata suliap pissusia isiginiarlugu isumaqatigivaa pineqaatissinnermi sivisussusiliineq tunngavissarsisoqanngilarlu akiligassiissutip appartinneqarnissaanut imaluunniit suliamut aningaasartuutit naalagaaffiup karsianit akilerneqarnissaannut.
Eqqartuussisoqarfiup eqqartuussutaa atuuttussanngortinneqarpoq.
Suliap normua: K 230/21