12 mai 2022
Nunatta Eqqartuussisuuneqarfia
Nalunaaquttap akunneri 120-t inuiaqatigiinni sulisitaassasoq - K 150/21
Angut 35-nik ukiulik Sermersuup Eqq. eqqartuunneqarpoq qaammatini tallimani pineqaatissinneqarsimasut inissiisarfimmiittussanngorlugu, arnap naavagut savimmik kapisisimanermigut, ikeqarpoq 12 mm, 4 cm ititigisumik naatsorsorneqartumit. Unnerluussaq piumasaqaateqarpoq pinngitsuutinneqarnissamik.
Eqqartuussissut Nunatta Eqqartuussisuuneqarfianit oqaatigineqarpoq ulloq 11. oktober 2021.
Pineqaatissiissummik aalajangersaanermi nunatta eqqartuussisuuneqarfiata pingaartissimavaa, unnerluutigineqartup eqqartuunneqarnera peqqarniitsumik inatsisinik unioqqutitsinikkut arnamik pineqartumik ilungersunartumik savimmik kapillugu. Aallaaviusumik peqqarniitsumik nakuuserneq savimmik kapisinikkut pineqaatissiissutaasarpoq piffissami sivisunerusumi pineqaatissinneqarsimasunut inissiisarfimmiittussanngortinneqarnermik. Sakkukillisaatitut nunatta eqqartuussisuuneqarfiata pingaartissimavaa, taamatut savimmik kapisineq pisimammat arnap kamaammertitsineratigut.
Taamatullu aamma eqqartuussisuuneqarfimmit pingaartinneqarsimavoq piffissaq suliap suliarineqarneranut atorneqartoq sivisusimammat naapertuutinngitsumik, aamma unnerluutigineqartup inuttut atugarisaasa pitsaasuuneri.
Unnerluutigineqartoq eqqartuunneqarpoq aningaasarsiaqarani nalunaaquttap akunneri 120-t inuiaqatigiinni sulisitaassasoq, tamannalu naammassineqassaaq sivisunerpaaffiliussap qaammatit qulit iluanni. Aamma unnerluutigineqartoq pinerluttunik isumaginnittoqarfimmit nakkutigineqassaaq ukiumi ataatsimi aamma qaammatini arfinilinni.
Unnerluutigineqartoq nakkutigineqarnermi nalaani imigassamik alakoornartulimmik atuipilunnaveersaassaaq.
Suliap normua: K 150/21