06 dec 2021
Nunatta Eqqartuussisuuneqarfia
Unnerluutigineqartoq pinngitsuutinneqarpoq - K 181/21
Angut 27-nik ukiulik eqqartuunneqarpoq ukioq ataaseq qaammatillu arfinillit pineqaatissinneqarsimasunut inissiisarfimmiittussanngorlugu, meeqqamik 15-it inorlugit ukiulimmik pinngitsaaliilluni atoqatiginnikkami.
Eqqartuussissut Nunatta Eqqartuussisuuneqarfianit oqaatigineqarpoq ulloq 6. December 2021.
Unnerluutigineqartoq ilaquttani peqatigalugit qaammatialunni Suulunnguup aqquserna xx Aasianni arnami taassumalu paniani najugaqarsimapput, aamma anaanaasoq nassuiaavoq, maluginiagaqarsimanani panini pissusilersuutimigut allannguuteqarneranik, unnerluutigineqartup taassumalu ilaqutaasa imminni najugaqarneranni.
Niviarsiaraq, malunnarpoq nunatta eqqartuussisuuneqarfiani nassuiaanermini sunnerteqqasoq, nassuiaavorlu atornerlugaaneq ullut ilaanni Aasianni pisimasoq atuarfimmiit angerlarluni, sila qaamasimavoq, tamannalu naapertuutinngilaq anaanasup nassuiaaneranut, tassa unnerluutigineqartoq ilaqutaalu immini najugaqarsimasut ukiukkut.
Tamanna tunngavigalugu eqqartuussisuuneqarfik isumaqarpoq niviarsiaqqap nassuiaanera pingaarnertigut arlalitsigut ataqatigiinngitsoq, aammalu unnerluutigineqartup pisuunnginnerarneratigut eqqartuussutaasinnaasumik pisarialimmik uppernarsineqanngilaq pineqaatissiissutaasinnaasumik suliami, unnerluutigineqartoq unnerluutigineqaatimini pisuunera, taamaattumik eqqartuussisoqarfiup eqqartuussutaa allanngortinneqarpoq, unnerluutigineqartorlu pinngitsuutinneqarluni.
Suliap normua: K 181/21