25 mar 2022
Nunatta Eqqartuussisuuneqarfia
Nipangeersimasussaatitaanermik unioq. pinngitsuutitaasoq - K 104/21
Arnaq 40-nik ukiulik siornatigut kommune-mi atorfeqarsimasoq eqqartuussivimmi pisuutinneqarpoq suliffimmini nipangersimasussaatitaanini unioqqutissimammagu, piviusulersaarummi illoqafimmi pineqartumi ilaatigut inuttut atugarisat pillugit.
Eqqartuussissut Nunatta Eqqartuussisuuneqarfianit oqaatigineqarpoq ulloq 17. maj 2021.
Nunatta eqqartuussisuuneqarfianut uppernarsaasiissuteqartoqartoreerneratigut eqqartuussisuuneqarfimmit isumaqatigineqarpoq, unnerluutigineqartup facebookikkut ikkussinermigut pisussaanani paasissutissat inunnut allanut ingerlateqqusaanngitsut ingerlateqqissimagai, kommunimi atorfeqarnermigut ilisimalersimalersimasani.
Nunattali eqqartuussisuuneqarfia isumaqanngilaq, pisimasoq imatut peqqarniissuseqartoq, pinerluttulerinermi inatsimmi § 50, imm. 1-mut attuumassuteqartinneqarsinnaalluni. Nunatta eqqartuussisuuneqarfianit pingaartinneqarpoq, ilaqutariit facebookimi ikkunneqartumi pineqartut, oqaatigineqartut naapertorlugit piviusulersaarummi pineqartumi nammineerlutik paasissutissat inuttut atugarisat pillugit tamanut takusassiarereersimavaat, paasissutissallu facebookimi saqqummiunneqartut imaqarsimasut paasissutissanik killilerujussuarmik, taakkualu piviusulersaarummut atatillugu tamanit takuneqarsinnaanngoreernikuullutik.
Taamaalilluni unnerluutigineqartoq pinngitsuutinneqarpoq.
Suliap normua: K 104/21