Gå til sidens indhold

Nunatta Eqqartuussisuuneqarfia

10 mai 2022

Nunatta Eqqartuussisuuneqarfia

Meeqqamik pinngitsaaliilluni atoqatiginninneq - K 103/21

Eqqartuussiviup 34-nik ukiulik ukiuni marlunni pineqaatissinneqarsimasunut inissiisarfimmiittussanngortippaa, 2008-mi pinngitsaaliilluni atoqatiginnissimammat, ilassutitut eqq. eqqartuussutaanut 2012-imeersumut sakkortusaataavoq, aamma unnerluutigineqartoq assingusumik eqqartuunneqarsimammat.

Eqqartuussissut Nunatta Eqqartuussisuuneqarfianit oqaatigineqarpoq ulloq 19. maj 2021. 

Unnerluutigineqartoq pisuutinneqarsimavoq unioqqutitsinermut pinerluttulerinermi inatsimmi § 77, imm. 1, nr. 1), tak. § 79, 2008-mi 14-inik ukiulik niviarsiaraq pinngitsaalillugu atoqatigisimallugu. Pisimasoq 2020-mi politiinut nalunaarutigineqarsimavoq. Suliaq nunatta eqqartuussisuuneqarfianut suliareqqitassanngortinneqarsimavoq pineqaatissiissummik sivisussusiliineq aamma mitagaanermut aalajangersaanermi apeqqutit pillugit.

Ataatsimut nalilersuereernermi pinerluutip pissusianik aamma annertussusianik aamma isiginiarneqarluni pineqaatissiissutip sivisussusilerneqarnissaa ilassutitut pineqaatissiissutitut Ammassaliup eqqartuussiviata eqqartuussutaanut ulloq 29. november 2012-imeersumut, tassani unnerluutigineqartoq eqqartuunneqarsimammat qaammatini pingasuni pineqaatissinneqarsimasunut inissiisarfimmiittussanngortinneqarnermik ilaatigut unioqqutitsinermut pinerluttulerinermi inatsimmi § 77, stk. 1, nr. 1), aamma isiginiarneqarluni pineqaatissiisarnerup sakkortusineqarsimanera periusunngortinneqarsimammat tamatuma kingornatigut, nunatta eqqartuussisuuneqarfiata eqqartuussisoqarfiup eqqartuussutaa allanngortippaa ukiumi ataatsimi aamma qaammatini qulingiluani pineqaatissinneqarsimasunut inissiisarfimmiittussanngortinneqarnermik, tak. pinerluttulerinermi inatsimmi § 77, imm. 1, nr. 1), tak. § 79, tak. § 146 aamma § 124.

Pineqaatissiissut Ammassaliup eqqartuussiviata eqqartuussutaanut ulloq 29. november 2012 ilassutitut pineqaatissiissutaavoq.

Kanngunarsagaanerup pissusia aamma peqqarniissusia isiginiarneqarlutik, aamma pisimasoq inatsit 2018-02-28 nr. 140 suli atuutitinneqalinngitsoq pisimammat, eqqartuussisuuneqarfik isumaqarpoq mitagaanermut ajunngitsorsiassat naapertuuttumik aalajangersaaffigineqarsimasut.

Eqqartuussisoqarfiup eqqartuussutaa allanngortinneqarpoq imaalillugu, pineqaatissiissut aalajangersarneqarpoq ukiumi ataatsimi aamma qaammatini qulingiluani pineqaatissinneqarsimasunut inissiisarfimmiittussanngortinneqarnermik.

Eqqartuussisoqarfiup mitagaanermi ajunngitsorsiassanik aalajangersaasimanera atuuttussanngortinneqarpoq.

 

Suliap normua: K 103/21

Eqqartuussissutit nassuiaatillu