Gå til sidens indhold

Nunatta Eqqartuussisuuneqarfia

12 mai 2022

Nunatta Eqqartuussisuuneqarfia

Niviarsiaqqat angullu nakuuserneq pillugu pineqaatissinneqarput K 021/21

Niviarsiaqqat 20-nik, angullu 32-nik ukiullit Sermersuup eqq. pisuutinneqarput pineqaatissinneqarsimasunut inissiisarfianiittussanngorlugit, taakkua pineqartumut angummut angerlarsimaffiani sakkortuumik nakuusersimapput. Angut 32-nik ukiulik siorasaarisamanermigut pinngitsuutinneqarpoq.

Eqqartuussissut Nunatta Eqqartuussisuuneqarfianit oqaatigineqarpoq ulloq 20. maj 2021. 

Ataatsimut nalilersuisoqareerneratigut pinerluutip pissusianik aamma annertussusianik, tassunga pingaartumik ilaanngunneqarluni nakuusernerup peqatigiilluni pisimanera, nakuusernerlu ima annertutigisumik peqqarniissuseqarsimalluni annertuumik ajoquserfiulluni, aamma nakuusertoqarsimammat pinerlisap angerlarsimaffianut isernikkut, nunatta eqqartuussisuuneqarfiata isumaqatigivaa, pineqaatissiissut  arnanut unnerluutigineqartunut aalajangersarneqarsimammat ukiumi ataatsimi pineqaatissinneqarsimasunut inissiisarfimmiittussanngortitsinermik, tak. pinerluttulerinermi inatsimmi § 88 aamma § 96, tak. § 146.

Nunatta eqqartuussisuuneqarfiata angummut unnerluutigineqartumut pineqaatissiissutip aalajangersarneqarnerani pingaartissimavaa Eqqartuussisoqarfik Sermersuup eqqartuussuteqareerneratigut ulloq 17. juni 2019 sukkasoorujussuarmik assingusumik uteqqiilluni pinerluuteqaqqinnera. Pisimasoq suliami matumani eqqartuussutaasoq piliarineqarsimavoq Eqqartuussisoqarfik Sermersuup ulloq 17. juni 2019 eqqartuussutaata kingornatigut, taamaattumik tunngavissaqanngilaq pinerluttulerinermi inatsimmi § 124 issuaaffigineqarnissaa imaluunniit qulaani taaneqartup eqqartuussutip atorunnaarsinneqarnissaa aalajangersagaq tamanna malillugu.

Taamaattumik nunatta eqqartuussisuuneqarfiata eqqartuussisoqarfiup eqqartuussutaa imatut allanngortippaa, angummut unnerluutigineqartumut atatillugu pinerluttulerinermi inatsimmi § 88 aamma § 96, tak. § 146 aamma § 147, imm. 3, tak. imm. 2 naapertorlugit ataatsimoortitamik pineqaatissiisoqarluni ukiumi ataatsimi aamma qaammatini pingasunut, tassanittaaq ilaatinneqarpoq pineqaatissiissut Eqqartuussisoqarfik Sermersuup aalajangigaa eqqartuussut 17. juni 2019-meersoq.

 

Suliap normua: K 021/21

Eqqartuussissutit nassuiaatillu