23 jun 2022
Nunatta Eqqartuussisuuneqarfia
Utaqqisitamik ulluni 30-ni inissiisarfimmiittussanngortinneqarneq K 020/21
Angut 40-nik ukiulik eqqartuussisoqarfik Sermersuumi kanngutsaattuliorsimanermigut pinngitsuutitaavoq. Angutip arnaq inuusuttoq sinittoq utsuatta nalaatigut attualaarsimavaa. Unnerluussisussaatitaasunit piumasaqaatgineqarpoq eqqartuussisoqarfimmut unnerluutigineqarneratut eqqartuunneqassasoq.
Eqqartuussissut Nunatta Eqqartuussisuuneqarfianit oqaatigineqarpoq ulloq 21. maj 2021.
Arnap uppernartumik nassuiaareerneratigut, tamannalu unnerluutigineqartumit ilalerneqanngilaq – oqaaseqarumannginnami – eqqartuussisuuneqarfimmit uppernarsineqarpoq, unnerluutigineqartoq pisuusoq unnerluutigineqaatiminut, taamaattoq imaalillugu, attualaarinninneq pisimalluni atisaasa iluisigut kisianni amiatiguunngitsoq.
Pinerluutigineqartup pissusia aamma annertussusia ataatsimut naliliiffigereerlugu isiginiarneqarlutillu unnerluutigineqartup unuttut atugarisaasa pitsaasuuneri, tassunga ilanngullugu unnerluutigineqartoq siusinnerusukkut assingusumik pinerluuteqarnermut pineqaatissinneqarnikuunngimmat, nunatta eqqartuussisuuneqarfiata pineqaatissiissut aalajangersarpaa utaqqisitamik ulluni 30-ni pineqaatissinneqarsimasunut inissiisarfimmiittussanngortitsinermik ukiumik ataatsimik misiligaaffilikkamik, tak. pinerluttulerinermi inatsimmi § 84, tak. § 129.
Kannguttaatsuliorfiginninnerup pissusia, pinerlineqartup inuusunnera, kannguttaatsuliorfiginninnerup peqqarniissusia aamma pissutsit qanoq kannguttaatsuliorfiginninnerup pisimanerani isiginiarneqarlutik, nunatta eqqartuussisuuneqarfiata mitagaanermut ajunngitsorsiassat aalajangersarpai 10.000 kr.-inut.
Unnerluutigineqartoq eqqartuunneqarpoq utaqqisitamik ulluni 30-ni pineqaatissinneqarsimasunut inissiisarfimmiittussanngortinneqarnermik ukiumik ataatsimik misiligaaffilikkamik.
Unnerluutigineqartup akilissavai 10.000 kr.-it arnamut mitagaanerat ajunngitsorsiassat.
Suliap normua: K 020/21
Eqqartuussissutit nassuiaatillu