Gå til sidens indhold

Nunatta Eqqartuussisuuneqarfia

28 jun 2022

Nunatta Eqqartuussisuuneqarfia

Utaqqisitamik ulluni 30-ni pineq. inissiisarfimmi - K 108/21

Angut 45-nik ukiulik Qaasuitsup eqqartuussiviani pisuutinneqarpoq allaffeqarfiup perusuersartarfiani, arnaq suleqatini kannguttaatsuliorfigigamiuk.

Eqqartuussissut Nunatta Eqqartuussisuuneqarfianit oqaatigineqarpoq ulloq 31. maj 2021. 

Nunatta eqqartuussisuuneqarfianut aamma uppernarsaaseereernermi nunatta eqqartuussisuuneqarfiata isumaqatigivaa eqqartuussisoqarfiup tunngavilersuutitut oqaatigisaa, taasa unnerluutigineqartoq pisuusoq unioqqutitsinermut pinerluttulerinermi inatsimmi § 84, imm. 1-mi unnerluussissummi oqaatigineqarneratut.

Ataatsimut nalilersuereernermi kanngunarsagaanerup pissusianik aamma annertussusianik isiginiarneqarlutik unnerluutigineqartup inuttut atugarisaasa pitsaasuuneri eqqartuussisuuneqarfik isumaqataavoq pineqaatissiissutip aalajangersaaffigineqarneranut ulluni 30-ni pineqaatissinneqarsimasunut inissiisarfimmiittussanngortinneqarnermik utaqqisitanngortinneqartumi ukiumik ataatsimik misiligaaffilikkamik.

Mitagaanermut ajunngitsorsiassat ataani oqaatigineqartutut aalajangersarneqarput.

Eqqartuussisoqarfiup eqqartuussutaa atuuttussanngortinneqarpoq.

Unnerluutigineqartoq akiliissaaq arnamut pineqartumut mitagaaneranut ajunngitsorsiassanik 5.000 kr.-inik.

 

Suliap normua: K 108/21

Eqqartuussissutit nassuiaatillu