Gå til sidens indhold

Nunatta Eqqartuussisuuneqarfia

22 mar 2022

Nunatta Eqqartuussisuuneqarfia

Kinguaassiutitigut allatut ittumik atoqateqarneq - K 133/21

Angut 27-nik ukiulik eqqartuunneqarpoq ulluni 60-ni pineqaatissinneqarsimasut inissiisarfimmiittussanngorlugu arnaq sinittoq, kinguaassiutaata nalaatigut truusiata iluatigut attuualaarsimallugu, taamatullu aamma uttuatigut inussani pulatissimallugu taanna akuersiteqqaarnagu imal. akuerinngisaanik.

Eqqartuussissut Nunatta Eqqartuussisuuneqarfianit oqaatigineqarpoq ulloq 4. juni 2021.

Aamma nunatta eqqartuussisuuneqarfiani uppernarsaasiisoqareerneratigut eqqartuussisoqarfiup tunngavilersuutigisai isumaqatigineqarput, eqqartuussisoqarfiup oqaatigisimasaatut, tassa unnerluutigineqartoq pisuutinneqarluni unioqqutitsinermut pinerluttulerinermi inatsimmi § 77, imm. 1, nr. 2, arnap pineqartup truusiisa ataatigut attuuasimallugu inussanilu utsuinut mangussimallugu, taanna iliuuserineqartumut akiuuteriarsinnaanngitsoq.

Nunatta eqqartuussisuuneqarfianut unnerluunneqaataanut aamma unnerluussisussaatitaasut piumasaqaataannut unnerluutigineqartoq pinngitsuutinneqarpoq unioqqutitsinermut pinerluttulerinermi inatsimmi § 77, imm. 1, nr. 1-imut.

Ataatsimut pinerluutigineqartup pissusianik aamma annertussusianik nalilersuereernermi, aamma unnerluutigineqartup inuttut atugarisai pitsaasuusut isiginiarneqarlutik, eqqartuussisuuneqarfik isumaqarpoq naammattumik tunngavissaqanngitsoq eqqartuussisoqarfiup pineqaatissiissutitut sivissussusiliinerata allanngortinneqarnissaanut.

Uppernarsaasiissutit inernerat aamma periusiusartoq inatsimmi 2018-02-28 nr. 140 isiginiarneqarluni, taannalu Danmarkimi atuutitinneqarlerpoq 1. april 2018-mi, nalinginnaasumik kinguaassiutitigut kannguttaatsuliorfigineqartunut ajunngitsorsiassanik qaffaasoqarneratigut, mitagaanermut ajunngitsorsiassaq appartinneqarpoq 15.000 kr.-inut.

Eqqartuussisoqarfiup eqqartuussutaa atuuttussanngortinneqarpoq imatut allannguuserlugu, mitagaanermut ajunngitsorsiassaq appartinneqarluni 15.000 kr.-nut.

 

Suliap normua: K 133/21

Eqqartuussissutit nassuiaatillu