16 feb 2022
Nunatta Eqqartuussisuuneqarfia
Pisortat oqartussaatitaannik narrunarsaaneq - K 154/21
Eqqartuussisoqarfiup eqqartuussutaa allanngortinneqarpoq imaalillugu, unnerluutigineqartoq eqqartuunneqarpoq utaqqisitamik ulluni 30-ni pineqaatissinneqarsimasunut inissiisarfimmiittussanngortinneqarluni.
Eqqartuussissut Nunatta Eqqartuussisuuneqarfianit oqaatigineqarpoq ulloq 13. juni 2021.
Unnerluutigineqartoq eqqartuussisoqarfimmit eqqartuunneqarpoq pisortat oqartussaatitaanik kanngunarsaarineq ullormi 13. juli 2019 politibetjent sulisoq talluatigut isimmikkamiuk, pineqartoq kamillatsiterneqalersillugu. Pisuunermik apeqqut nunatta eqqartuussisuuneqarfianut suliareqqitassanngortinneqanngilaq.
Nunatta eqqartuussisuuneqarfianit pisortat oqartussaatitaannik kanngunarsaarineq politiimut sulisumut isimmitsineq peqqarniitsumik pinerluttulerinermi inatsimmik unioqqutitsinertut isumaqarfigineqarpoq, aallavittullu malitseqartinneqarpoq utaqqitsitaanngitsumik pineqaatissinneqarsimasunut inissiisarfimmiittussanngortinneqarnermik.
Isiginiarneqarluni piffissaq suliap suliarineqarneranut atorneqarsimasoq aamma unnerluutigineqartup inuttut atugarisaasa pitsaasuuneri, eqqartuussisuuneqarfik isumaqarpoq suliami matumani pineqaatissiissut aalajangersarneqarsinnaasoq ulluni 30-ni pineqaatissinneqarsimasunut inissiisarfimmiittussanngortinneqarnermik, taannalu immikkut illuinnartumik utaqqisitanngortinneqarpoq ukiumik ataatsimik misiligaaffilikkamik, tak. pinerluttulerinermi inatsimmi § 37, tak. § 129.
Suliap normua: K 154/21