Gå til sidens indhold

Nunatta Eqqartuussisuuneqarfia

06 mai 2022

Nunatta Eqqartuussisuuneqarfia

Siorasaarineq nakuusernerlu - K 193/21

Angut 26-nik ukiulik Qaasuitsup eqqartuussivianit akunnerni 40-ni akissarsiaqarani inuiaqatigiinnut sullissisinneqarnissamik pineqaatissinneqarpoq angut alla sioorasaarmiuk, kalaallisut oqaluffigalugu "Toqutsissuakkit" assigisaanilluunniiut, taamaalilluni angutip inuuneranik ersiortilerlugu.

Eqqartuussissut Nunatta Eqqartuussisuuneqarfianit oqaatigineqarpoq ulloq 15. september 2021.

Aallaqqaasiutigalugu nunatta eqqartuussisuuneqarfanit oqaatigineqaroq, uppernarsaasiinermit eqqartuussuteqarnermi, nunatta eqqartuussisuuneqarfiata suliassaani eqqartuussisarnermi inatsimmi § 548, imm. 1 malullugu, eqqartuussisoqarfimmi nassuiaatigineqarsimasut atuarneqarneratigut pisinnaasoq, aalajangersakkamilu piumasaqaataanngilaq ilisimannittut nutaamik nunatta eqqartuussisuuneqarfianut aggersarneqarnissaat.

Pisimasoq 1

Nunatta eqqartuussisuuneqarfia isumaqarpoq, unnerluussisussaataasunit, unnerluutigineqartullu pisuunnginnerarneratigut pisarialimmik eqqartuussutaasinnaasinnaasumik uppernarsaassuteqartoqartoqarsimanngitsoq. Taamaalinni nunatta eqqartuussisuuneqarfiata pingaartippaa, ilisimannittup nassuiaaneratigut naammattumik uppernarsineqanngitsoq, unnerluutigineqartup angut pineqartoq siorasaarsimagaa unnerluussissutigineqartumi oqaatigineqartutut. Pingaartumillu nunatta eqqartuussisuuneqarfiata naliliinermini ilaatippaa, ilisimannittoq pisimasumut assigiinngiiaartunik nassuiaateqarnera, ilumut siorasaarisoqarneranik tusaasaqarsimanerluni.

Tamanna tunngavigalugu pisimasumi unnerluutigineqartoq pinngitsuutinneqarpoq.

Pisimasoq 2

Unnerluussisussaatitaasut piumasaqaateqarput unnerluussummi pinngitsuutitsisoqarnissaanik, tassani pineqarpoq angutip pernaamigut talerperlikkut annersinneqarsimanersoq, tamannalu nunatta eqqartuussisuuneqarfianit malinneqarpoq.

Nunatta eqqartuussisuuneqarfianit tunngavigineqarpoq, ullaaq taanna unnerluutigineqartup aamma angutip akornanni aaqqiagiinngissuteqartoqarsimanera. Suliap nunatta eqqartuussisuuneqarfianut saqqummiunneqarneratigut, nunatta eqqartuussisuuneqarfianut qularnaatsumik tunngavigineqarsinnaanngilaq, unnerluutigineqartup angut unnerluussissummi oqaatigineqartutut toqqusassisimaneraa. Tamatumani nunatta eqqartuussisuuneqarfiata tunngavigivaa, ilisimannittup allap nassuiaataa, eqqartuussisoqarfiup eqqartuussisut suliaasa allassimaffianni ersersinneqartutut, naammarttumik ikorfartuiffigineqanngimmat nakuuserneq allaaserineqartutut pisimanersoq.

Tamanna tunngavigalugu pisimasumi aamma tamatumani unnerluutigineqartoq pinngitsuutinneqarpoq.

 

Suliap normua: K 193/21

Eqqartuussissutit nassuiaatillu