14 nov 2022
Nunatta Eqqartuussisuuneqarfia
Unnerluussaq pinngitsuutitaavoq - K 216/22
Angut 66-nik ukiulik Eqqartuussivik Sermersuumit eqqartuunneqarpoq ulluni 30-ni pineqaatissinneqarsimasunut inissiisarfimmiittussanngorlugu, arnamik siorasaarisimanerminit.
Eqqartuussissut Nunatta Eqqartuussisuuneqarfianit oqaatigineqarpoq ulloq 14. november 2022.
Unnerluutigineqartup nassuerutigivaa unnerluussissummi allaqqasutut oqarsimalluni. Nassuiaatigivaa taamatut oqarsimalluni arnaq uffarfimmiittoq, aammalu taamatut oqaluttarneq nalinginnaasuusoq taamatut avatangiisit akornanni. Tamatuma saniatigut nassuerutigivaa igaffimmiit savimmik tigusisimalluni.
Pinerluttulerinermik inatsisip §-iisa 98-iat siorasaarineq taamaallaat naammassineqartarpoq, najukkami najugaqartup siorasaarineq ilisimalersimappagu. Arnaq ilitsersorneqareerluni eqqortuinnarmik oqaaseqartussaatitaanermik aamma akisussaaffimik sallulluni nassuiaateqannginnissamik, eqqartuussisoqarfimmi nassuiaatigisimasani uteqqippai, tassa eqqaamasaqarani siorasaarneqarsimanermik perusuersartarfimmiinnermini, imaluunniit siorasaarisumik tusaasimanerluni savimmilluunniit takusimanerluni. Pinerluummik naammassinnittoqarsimanngilaq. Tamatumalu saniatigut eqqartuussisuuneqarfik isumaqarluni eqqartuussaassutigineqarsinnaasumik naammattumik uppernarsineqarsimanngitsoq iliuuseqariaraluarsimaneq.
Taamaalilluni unnerluutigineqartoq pinngitsuutinneqarpoq.
Tamatuma kingunerisaanik eqqartuussisuuneqarfimmit atorunnaarsinneqarluni igaffiup saviinik marlunnik arsaarinninneq.
Unnerluutigineqartoq pinngitsuutinneqarpoq.
Suliap normua: K 216/22
Eqqartuussissutit nassuiaatillu