17 mai 2022
Nunatta Eqqartuussisuuneqarfia
Eqqartuussisoqarfiup eqqartuussutaa atuuttussanngortinneqarpoq - K 265/21
Angutit 42 aamma 44-nik ukiulik eqqartuunneqarput ulluni 30-ni aamma 40-ni Pineqaatissinneqarsimasunut inissiisarfimmiissasut, angutit allat marluk immikkut pineqaatissinneqalereersimasut, peqatigalugit hashi 150,1 grami København Kal. Nunaanni Qeqertarsuarmut eqqukkamikku, tuniniaqqinniarlugu.
Eqqartuussissut Nunatta Eqqartuussisuuneqarfianit oqaatigineqarpoq ulloq 17. maj 2022.
Aallaqqaasiullugu nunatta eqqartuussisuuneqarfiata oqaatigivaa, unnerluutigineqartup akiligassiissutit akuerisimagai aanngaajaarniutit pillugit nalunaarummik unioqqutitsinermut piffissami ukiuni qulit iluanni nunatta eqqartuussisuuneqarfiata eqqartuussuteqarneraniit. Taamaattumik suliami matumani nunatta eqqartuussisuuneqarfiata eqqartuussutaa ilanngutissallugu pingaaruteqarpoq aalajangersakkat unioqqutinneqartut assigimmagit.
Eqqartuussisoqarfiup oqaatigisai assigalugit nunatta eqqartuussisuuneqarfia isumaqarpoq, ilisimannittoq uppernartumik aamma ataqatigiissumik nassuiaateqartoq. Ilisimannittup nassuiaatigisaa suliap ingerlanneqarnera tamaat assigiimmik nipilimmik nassuiaaneruvoq, tamannalu ikorfartuiffigineqarluni suliami paasissutissat sinnerinit.
Tamanna tunngavigalugu nunatta eqqartuussisuuneqarfiata isumaqatigivaa eqqartuussisoqarfiup tunngavilersuutigisaa, unnerluutigineqartoq 44-nik ukiulik pisuutinneqarmat unnerluussissummi allaaserineqarneratut.
Suliap isikkuatigut, unnerluutigineqartup peqataaneratigut aamma aanngaajaarniutip annertussusiatigut nunatta eqqartuussisuuneqarfiata isumaqatigivaa, pineqaatissiissutip aalajangersarneqarnera ulluni 20- pineqaatissinneqarsimasunut inissiisarfimmiittussanngortitsinermik, utaqqisitanngortitamik ukiumik ataatsimik misiligaaffilerlugu. Taamaattoq immikkut pingaartinneqarluni piffissaq suliap suliarineqarneranut atorneqartup sivisusimanera, kisianni aamma unnerluutigineqartup siusinnerusukkut assingusumik pinerluuteqartareersimanera.
Taamaattumik nunatta eqqartuussisuuneqarfianit eqqartuussisoqarfiup eqqartuussutaa atuuttussanngortinneqarpoq.
Suliap normua: K 265/21
Eqqartuussissutit nassuiaatillu