Eqqartuussisoqarfiup eqqartuussutaa atuuttussanngortinneqarpoq - K 064/22

Eqqartuussissut Nunatta Eqqartuussisuuneqarfianit oqaatigineqarpoq ulloq 25. maj 2022.

Eqqartuussisoqarfiup uppernarsaanermi inerniliinera pisimasuni 1 aamma 3-mi suliareqqitassanngortitsinermi ilaatinneqanngillat.

Pisimasoq 2

Nunatta eqqartuussisuuneqarfia isumaqarpoq, unnerluutigineqartup eqqartuussisoqarfimmut nassuiaataa, tassa ”isumaqarsimalluni hashiusoq pisiarisimallugu”, ikorfartuiffigineqarpoq politiit misissuisimanerannik kulumpat arsaarinnissutigineqartut aamma kulumpat isikkuisigut aamma toqqorsimanerisigut.

Taamaattumik nunatta eqqartuussisuuneqarfia isumaqarpoq qularnaallisinneqarluni uppernarsineqartoq unnerluutigineqartup pisimasoq 2-mi pisuunera.

Pingaartumik piffissaq suliap suliarineqarneranut atorneqartoq isiginiarneqarluni eqqartuussisuuneqarfik isumaqarpoq pineqaatissiissut naapertuuttumik sivisussusiligaasoq.

Nunatta eqqartuussisuuneqarfiata eqqartuussut suliareqqitassanngortinneqartoq atuuttussanngortippaa taamatut allannguuserlugu, taamaalilluni Pipaluk Inger Vinter pinerluttulerinermi inatsimmi § 37, aamma aangaajaarniutit pillugit nalunaarummi § 27, imm. 1, tak. imm. 2, tak. pinerluttulerinermi inatsimmi § 129, pineqaatissinneqarpoq ulluni 40-ni pineqaatissinneqarsimasunut inissiisarfimmiittussanngortinneqarluni, piumasaqaatitaliunneqarluni ukiumik ataatsimik misiligaaffilikkamik, nutaamik inatsisinik unioqqutitseqqinnginnissaa aamma ilassutitut akiligassinneqarluni 47.000 kr.-inik, tak. pinerluttulerinermik inatsimmi § § 127, imm. 2.

Eqqartuussisoqarfiup aalajangiineratut arsaarinnissuteqartoqarpoq, tassa arsaarinnissutigineqarmata 0,77 gram hash, imaanngitsorlu saaniluup nerisassai, tak. pinerluttulerinermik inatsimmi § 166, imm. 2.

Nunatta eqqartuussisuuneqarfianit eqqartuussisoqarfiup aalajangigaa, suliami aningaasartuutit pillugit atuuttussanngortinneqarpoq.

Suliap normua: K 064/22

Eqqartuussissutit nassuiaatillu