Gå til sidens indhold

Nunatta Eqqartuussisuuneqarfia

01 jul 2022

Nunatta Eqqartuussisuuneqarfia

Mianersoqqussummik nalunaarfigineqarpoq - K 055/22

Dom afsagt: 1. juulip 2022

Angut 58-nik ukiulik eqqartuunneqarpoq qaammatini arfinilinni pineqaatissinneqarsimasunut inissiisarfimmiittussanngortinneqarluni, arlaleriarluni hashimik eqqussisimammat aammalu tigummiaqarsimalluni. Hashi 21,8 gram arsaarinnissutigineqarpoq.

Eqqartuussissut Nunatta Eqqartuussisuuneqarfianit oqaatigineqarpoq ulloq 1. juli 2022.

Unnerluutigineqartup nassuiaaneratigut, nunatta eqqartuussisuuneqarfiata uppernarsineqartutut isumaqarfigivaa, unnerluutigineqartup aappaa unnerluutigineqartumut siullermut sianersimasoq nooqqaavigalugu inissiamukassasoq, angutip allap utaqqimmagu. Inissiami tassani angutip allap piginnaatitsissut allappaa 20. august 2022-mik ulluligaq, tassungalu atatillugu unnerluutigineqartoq siulliup CPR-normuni oqaatigivaa. Taava angutip allap unnerluutigineqartoq siulleq ilagalugu allakkeriviliarput, unnerluutigineqartorlu siulleq poortakkamik aalleriaraluarpoq. Unnerluutigineqartoq siulliup poortakkap imarisai suunersut annerusumik apersuutigisimanngilai, taamatullu aamma ersarissumik nassuiaanneqarani sooq poortakkamik nammineq aallissanerluni inummut allamut nassiunneqartumik.

Pisup ingerlasimanerata pasinaatillip unnerluutigineqartup siulliup qulakkeersimassagaluarpaa, poortugaq angutip allap allakkerivimmut nammineerluni aajumanngisaa inatsisinik unioqqutitsinertalimmik imaqartoq, taamaattumillu nunatta eqqartuussisuuneqarfia isumaqarpoq unnerluutigineqartup siulliup poortakkamik hashimik imalimmik aalleriaraluarnermigut imatut mianersuaalliorluni iliuuseqarsimasoq, pineqaatissinneqarnermik eqqartuunneqassalluni aanngaajaarniutitut pillugit unioqqutitseriarnermut, unnerluussissummi allaaserineqartutut.

Suliap peqqarniitsuunera aamma naapertuutinngitsumik sivisuumik suliap suliarineqarsimanera pissutigalugu pineqaatissiineq aalajangersarneqarpoq mianersoqqussuteqarfigineranik, tak. Pinerluttulerinermi inatsimmi § 126, tak. Aanngaajaarniutit pillugit nalunaarummi § 27, imm. 1, tak. § 2, tak. Pinerluttulerinermi inatsimmi § 12.

Unnerluutigineqartup suliami akuuffigisaa aamma piffissaq suliap suliarineqarneranut atorneqartup sivisusimanera pissutigalugu, aallaaviusartoq naalagaaffiup karsiata aningaasartuutinik akiliinissaa suliami matumani allaanerussanngilaq.

Unnerluutigineqartoq mianersoqqussummik nalunaarfigineqarpoq.

 

Suliap normua: K 055/22

Eqqartuussissutit nassuiaatillu