Gå til sidens indhold

Nunatta Eqqartuussisuuneqarfia

24 aug 2022

Nunatta Eqqartuussisuuneqarfia

Qaffanneqarpoq ukiunut pingasut aamma qaammatinut pingasunut - K 140/22

Angut 19-nik ukiulik eqqartuunneqarpoq ukiuni marlunni aamma qaammatini arfineq pingasuni pineqaatissinneqarsimasunut inissiisarfimmiittussanngortinneqarluni, taanna navianarluinnartumik ataatani nakuuserfigamiuk, taamaalilluni aqqunartiternermi kingunerisaanik toqukkut qimagulluni.

Eqqartuussissut Nunatta Eqqartuussisuuneqarfianit oqaatigineqarpoq ulloq 24. august 2022.

Unnerluutigineqartoq eqqartuussisoqarfimmi eqqartuunneqarpoq ullormi 1. januar 2022 nakuusersimanermut, tamatumalu kingunerisaanik pinerlineqartoq aqqunarnermi kingunerisaanik toqquteqarsimalluni. Taamatullu aamma eqqartuunneqarpoq Sermiligani Pilersuisumi iserterluni tillinniarnernut marlunnut, inuit allat peqatigalugit piliarisimasaminut. Iserterluni tillinniarnermi siullermi tillinneqarsimapput cigaretsit, viinit, immiaaqqat ikitsisit il.il. katillugit naleqartut 10.794,32 kr.-inik. Aappassaanik iserterluni tillinniarnermi tillinneqarsimapput nioqqutissat assigisaat naleqartut 3.398,96 kr.-inik. Taamatullu aamma eqqartuunneqarpoq ullormi 1. september 2021-mi inunnut marlunnut nakuusersimanermut, angut nunamut uppitikkamiuk marlunnillu ikinnerunngitsunik kiinaatigut aamma timaatigut tilluarlugu, kingornalu  qungasersillugu. Tamatuma kingorna arnaq nunamut uppitillugu niaquatigullu tilluarlugu.

Eqqartuussisoqarfiup eqqartuussutaa atuuttussanngortinneqarpoq suliareqqitassanngortitsissutaasunut atatillugit, imatut allannguuserlugu, pineqaatissinneqarsimasunut inissiisarfimmiittussanngortinneqarnera sivisussusia qaffanneqarluni ukiunut pingasut aamma qaammatinut pingasunut.

Unnerluutigineqartoq pilersuisussaatitaanermik annaasaqarnermi taarsiissutissat toqusup meeraanut qimagaasunut akilissavai.

Unnerluutigineqartup aamma akilissavai 1.728.603 kr. pilersuisussaatitaanermik annaasaqarnermi taarsiissutissat toqsup nulianut.

Taamatullu aamma unnerluutigineqartup akilissavai ajunngitsorsiassat qimagaasunut. 

 

Suliap normua: K 140/22

Eqqartuussissutit nassuiaatillu