16 aug 2022
Nunatta Eqqartuussisuuneqarfia
Ulluni 40-ni pineq. inissiisarfimmiittussanngortinneqarluni - K 067/22
Dom afsagt: 16. aggustip 2022
Arnaq 25-nik ukiulik eqqartuunneqarpoq ulluni 40-ni pineqaatissinneqarsimasunut inissiisarfimmiittussanngortinneqarluni, pinerlineqartoq nakuuserfigigamiuk, ima sakkortutigisumik nujaartoramiuk nunamut uppisillugu, kingornalu kiinaatigut ataasiarluni isimmillugu.
Eqqartuussissut Nunatta Eqqartuussisuuneqarfianit oqaatigineqarpoq ulloq 8. august 2022.
Unnerluutigineqartoq eqqartuussisoqarfiup eqqartuussutaatigut ulloq 9. februar 2021 eqqartuunneqarpoq pinerluttulerinermi inatsisip § 88-ianut unioqqutitsinermut, ullormi 8. juni 2019 pinerlineqartoq nujaartorsimallugu, nunamut uppisillugu tamatumalu kingornatigut kiinaatigut isimmissimallugu. Nakorsap politiinut uppernarsaataanit ersersinneqarpoq, arnap ulloq taanna kingusinnerusukkut misissorneqarnerani nassaarineqarsimasut qarngani amiialaterneq annikitsoq, ikinik ammasoqanngilaq, pullanneqarani aamma tilluusaqarani kiinnamigut.
Nakuusernerup pissusia aallaavigalugu pineqaatissiissut ulluni 40-ni pineqaatissinneqarsimasunut inissiisarfimmiittussanngortitsilluni aalajangersaaneq naapertuuttutut isumaqarfigineqarpoq.
Unnerluutigineqartoq siusinnerusukkut pineqaatissinneqarluni eqqartuussaanikuunngilaq, aammalu nakuuserneq annikitsuinnarmik ajoquserfiusimalluni. Sanilliunneqarput unnerluutigineqartup inuttut atugarisaasa pitsaasuuneri, taamaattumik eqqartuussisuuneqarfik isumaqarpoq pineqaatissinneqarsimasunut inissiisarfimmiittussanngortinneqarnera utaqqisitanngortinneqassasoq ukiumik ataatsimik misiligaaffilikkamik, tak. pinerluttulerinermi inatsimmi § 129, imm. 1 aamma imm. 2.
Unnerluutigineqartoq eqqartuunneqarpoq utaqqisitamik ulluni 40-ni pineqaatissinneqarsimasunut inissiisarfimmiittussanngortinneqarluni. Pineqaatissiissutissamik naammassinninnissaq kinguartinneqarpoq atorunnaassallunilu ukioq ataaseq misiligaaffioreerpat.
Suliap normua: K 067/22
Eqqartuussissutit nassuiaatillu