Gå til sidens indhold

Nunatta Eqqartuussisuuneqarfia

Nunatta Eqqartuussisuuneqarfia

Inummut ulorianaatilimmik pinerluffigineqarsimaguit imaluunniit qanigisatit ulorianaatilimmik pinerluffigineqarsimappata Pinerluffigineqarsimasut Taartisinissaannik Aalajangiisartut taarsiiffigisinnaavaatsit. Tassa pinerluffigineqarneq pissutigalugu timikkut tarnikkulluunniit ajoquserneqarsimaguit.

 

 

 

Qanoq iliorlunga taarsiivigineqarnissannut qinnuteqarsinnaavunga?

Taarsiivigineqassaguit qinnuteqarluni immersugassaq immersussavat pinerliffiullu piffiani politiinut tunniutissavat. Qinnuteqarluni immersuiffissaq politiinit aamma pineqarsinnaavoq. 

Taarsiivigineqarnissamut qinnuteqaat uani ammarsinnaavat

Qanoq pisoqarsimappat qinnuteqarsinnaavunga?

Taarsiigigineqassaagaanni:

  • Ajoquserneq pinerluttulerinermi inatsimmik unioqqutitsinikkut pisimassaaq
  • Inuup ajoqusernera pineqassaaq. Assersuutigalugu anniarsimaneq, sulinermi isertitassaraluanik annaasaqaatit, taarsiivigineqarnissat ilaalu ilanngullugit
  • Pinerlunneq politiinut pisariaqanngitsumik kinguarsarneqanngitsumik nalunaarutigineqarsimassaaq (nalinnginnaasumik nalunaaquttap akunneri 24-t qaangiutsinnagit) 
  • Pinerluuteqarsimasut taarsiivigineqarnissamik piumasaqaat saqqummiunneqassaaq, suliaq eqqartuussivimmiissimappat
  • Pinerlunnerup pinerata kingorna ukiut marluk qaangiutsinnagit, pinerliffigisanut taarsiivigineqarnissaq pillugu aalajangiisartunut piumaqasaatsaqqummiussimassaaq. 

 

Pinerliisoq kinaassusersinngikkaluarlugu taarsiivigineqarsinnaavunga?

Aap, taarsiivigineqarsinnaavutit, pinerliisoq kinaassusersineqanngikkaluartoq imaluunniit nassaarineqarsinnaanngikkaluartoq. 

Pinerliisoq eqqartuunneqarsinnaanngikkaluarpaluunniit taarsiivigineqarsinnaavunga?

Aap, pinerliisoq 15-nit inorlugit ukioqarnini pissutigalugu eqqartuunneqarsinnaanngippat aamma taarsiivigineqarsinnaavutit. 

Paasissutissat kingulliit: 25. maajip 2021