20 mai 2022
Eqqartuussutip naalisarnera
Grønlands Landsret
Pineqaatissiissut appartinneqarpoq - K 280/21
Angut 25-nik ukiulik eqqartuunneqarpoq ulluni 40-ni pine. inissiisarfimmiittussanngortinneqarluni, 13-inik ukiulik niviarsiaraq (inuusoq 16. april 2007) atisaata qaavatigut kinguaassiutaatigut aammalu nuluatigut attuualaarsimallugu, aammalu igalaaq marloqiusaq ujaqqamik milorlugu aserorsimallugu.
19 mai 2022
Eqqartuussutip naalisarnera
Grønlands Landsret
Eqqartuussiviup eqqartuussissutaa allanngortinneqarpoq - K 066/22
Arnaq 26-nik ukiulik Sermersuup eqqartuussivianit pinngitsuutinneqarpoq, taanna ilisimannittumik isaatigut toorsisimammat aammalu ilisimannittup allap arnaq biilip iluani qitequsernialerlugu arnap niaqua peersimasoq ilisimannittorlu assaatigut kiillugu.
18 mai 2022
Eqqartuussutip naalisarnera
Grønlands Landsret
Eqqartuussisoqarfiup eqqartuussutaa atuuttussanngortinneqarpoq - K 056/22
Angut 42-nik ukiulik Qaasuitsip eqqartuussivianit pinngitsuutinneqarpoq, naammaginartumik uppernarsineqanngimmat ilumut unnerluussap Pinerluttulerinermi inatsimmi § 55, stk. 2, aammalu § 39, stk. 2 unioqqutissimanerai.
17 mai 2022
Eqqartuussutip naalisarnera
Grønlands Landsret
Eqqartuussisoqarfiup eqqartuussutaa atuuttussanngortinneqarpoq - K 204/21
Angut 48-nik ukiulik Sermersuup eqqartuussivianit eqqartuunneqarpoq qaammatinilu pineqaatissinneqarsimasunut inissiisarfimmiittussanngortinneqarluni arnaq siniffimmiit natermut naloriukkamiuk, tassanilu niaquatigut tigoriarlugu natermut anaaleruppaa aammalu marloriartumik toqqusassillugu.
17 mai 2022
Eqqartuussutip naalisarnera
Grønlands Landsret
Eqqartuussisoqarfiup eqqartuussutaa allanngortinneqarpoq - K 051/22
Angut 24-nik ukiulik eqqartuunneqarpoq qaammatini 3-ni pineqaatin. inissiisarfimmiittussanngortinneqarluni, attaveqaqatigiittarfikkut "Messenger"ikkut angummut attaveqarmat, ilaatigut unnerluutigineqartoq ima allalluni "toqunnak naalliutsissuakkit", angutip inuuneranik annertuumik siooralersillugu.
17 mai 2022
Eqqartuussutip naalisarnera
Grønlands Landsret
Eqqartuussisoqarfiup eqqartuussutaa atuuttussanngortinneqarpoq - K 265/21
Angutit 42 aamma 44-nik ukiulik eqqartuunneqarput ulluni 30-ni aamma 40-ni Pineqaatissinneqarsimasunut inissiisarfimmiissasut, angutit allat marluk immikkut pineqaatissinneqalereersimasut, peqatigalugit hashi 150,1 grami København Kal. Nunaanni Qeqertarsuarmut eqqukkamikku, tuniniaqqinniarlugu.
16 mai 2022
Eqqartuussutip naalisarnera
Grønlands Landsret
Aningaasarsiaqarani 40 tiimit inuiaqatigiinni sulisitaanissamik - K 195/20
Angut 21-nik ukiulik Qeqqata Eqq. pineqaatissinneqarpoq ulluni 40-ni pineqaatissinneqarsimasunut inissiisarfimmiittussanngortinneqarluni utaqqisitamik ukiumik ataatsimik misiligaaffilikkamik, Sisimiuni Kangerlussuarmilu oqaqqaarani biilinik atuineq aammalu imigassartorsimatilluni ingerlatsinermik.
16 mai 2022
Eqqartuussutip naalisarnera
Grønlands Landsret
Unnerluutigineqartoq pinngitsuutinneqarpoq - K 248/21
Angut 54-nik ukiulik eqqartuunneqarpoq inissiisarfimmut inissinneqarnermuik ulluni 20-ni, arnap sininnerani kujarialarsimallugu imaluunniit allatut kinguaassiutitigut atoqatigeriaraluarsimallugu, iluatsinngitsumik, ilisimannittumik paasisaalluni unitsinneqarlunilu.
12 mai 2022
Eqqartuussutip naalisarnera
Grønlands Landsret
Nalunaaquttap akunneri 120-t inuiaqatigiinni sulisitaassasoq - K 150/21
Angut 35-nik ukiulik Sermersuup Eqq. eqqartuunneqarpoq qaammatini tallimani pineqaatissinneqarsimasut inissiisarfimmiittussanngorlugu, arnap naavagut savimmik kapisisimanermigut, ikeqarpoq 12 mm, 4 cm ititigisumik naatsorsorneqartumit. Unnerluussaq piumasaqaateqarpoq pinngitsuutinneqarnissamik.
12 mai 2022
Eqqartuussutip naalisarnera
Grønlands Landsret
Niviarsiaqqat angullu nakuuserneq pillugu pineqaatissinneqarput K 021/21
Niviarsiaqqat 20-nik, angullu 32-nik ukiullit Sermersuup eqq. pisuutinneqarput pineqaatissinneqarsimasunut inissiisarfianiittussanngorlugit, taakkua pineqartumut angummut angerlarsimaffiani sakkortuumik nakuusersimapput. Angut 32-nik ukiulik siorasaarisamanermigut pinngitsuutinneqarpoq.
10 mai 2022
Eqqartuussutip naalisarnera
Grønlands Landsret
Meeqqamik pinngitsaaliilluni atoqatiginninneq - K 103/21
Eqqartuussiviup 34-nik ukiulik ukiuni marlunni pineqaatissinneqarsimasunut inissiisarfimmiittussanngortippaa, 2008-mi pinngitsaaliilluni atoqatiginnissimammat, ilassutitut eqq. eqqartuussutaanut 2012-imeersumut sakkortusaataavoq, aamma unnerluutigineqartoq assingusumik eqqartuunneqarsimammat.
10 mai 2022
Eqqartuussutip naalisarnera
Grønlands Landsret
K 081/22
Eqqartuussutip allattorsimanera qallunaatuinnaq allaqqavoq.
