15 dec 2020
Nunatta Eqqartuussisuuneqarfia
Nakuuserluni pissusilersorneq pillugu suliami eqqartuussut - K 015/19
Angut 63-inik ukiulik nakuuserneq pillugu pinerluttulerinermi inatsisip § 88-ianik unioqqutitsinermut Eqqartuussisoqarfik Kujallermit pisuutinneqarpoq.
Taassuma inooqatini qaavatigut suugaluarnersoq atorlugu anaasimavaa ilisimajunnaarsillugu qaavatigullu pullanneqalersillugu, taliatigut saamerlikkut tilluuserlugu kiisalu niaqutigut kilerlugu passunneqartariaqartumik. Unnerluutigineqartoq inooqatiminik marloriarluni tilluisimanermut kiisalu niaquatigut marluk-pingasoriarluni isimmitsisimanermut pinngitsuutinneqarpoq.
Eqqartuussisoqarfiup eqqartuussutaa taanna unnerluutigineqartumit suliareqqitassanngortinneqarpoq pinngitsuutitsinissaq piumasaqaatigineqarluni.
Eqqartuussisuuneqarfiup inerniliinera
Ilisimannittup pisimasoq pillugu assigiinngitsumik nassuiaateqarnera tunngavigalugu eqqartuussisuuneqarfiup taamaallaat uppernarsarneqarsoraa unnerluutigineqartup inooqatini pukusuatigit anaasimagaa, passunneqartariaqartumik kilerlugu. Eqqartuussisuuneqarfiup unnerluutigineqartoq inooqatiminik qaavatigut anaasisimanermut, pullanneqarlersillugu, pinngitsuutippaa, tamannami unnerluussissummut ilaanngilaq.
Eqqartuussisuuneqarfiup pineqaatissiissut ulluni 30-ni inissiisarfimmiittussanngortitsinermut allanngortippaa. Eqqartuussisuuneqarfiup naliliinermini inooqatigiinnerup iluani nakuusertoqarsimanera inooqatigiikkunnaarsimanerlu ilaatigut pingaartippai.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 14. februar 2019
Suliap normua: K 015/19
Nunatta Eqqartuussisuuneqarfiata eqqartuussissutaa
Kujalliup eqqartuussiviata eqqartuussissutaa