21 mar 2022
Nunatta Eqqartuussisuuneqarfia
Suliffeqarfimmi tillinneq, ikiaroornartulerineq - K 059/20
Arnaq 32-nik ukiulik Qaasuitsup Eqq. eqqartuunneqarpoq qaammatini 3-ni pineq. inissiisarfimmiittussanngorlugu, 22.500 suliffeqarfimmini tillinniarsimasutut akiligassinneqarluni, ikiaroornartulerisimanermigullu. Ilaatigut 225.000 arsaarinnissutigineqarput, Butik Nivi-mut taarsertariaqarpai 5.950,00.
Eqqartuussissut Nunatta Eqqartuussisuuneqarfianit oqaatigineqarpoq ulloq 5. maj 2020.
Unnerluutigineqartoq Qaasuitsup Eqqartuussiviata eqqartuussutaani 11. juuni 2019-imeersumi eqqartuunneqarpoq qaamatini pingasuni inissiisarfimmut inissinneqarnermik ikiaroornartut pillugit inatsisip §-iisa 3-anik, toqqammavigalugu § 2, toqqammavigalugu ikiaroornartut pillugit naluanarutip §-iisa 27-ani, imm. 1, toqqammavigalugu § 2, ikiaroornartunik pissarsianik atuinermut tunngasumik, unioqqutitsisimasutut. Tamatuma saniatigut unnerluutigineqartoq pisuutinneqarpoq tillissimasutut pinerluttulerinermi inatsisip §-iisa 102-a malillugu.
Suliaq eqqartuussisuuneqarfimmi pineqaatissiissutip naliliiffigeqqinneqarnissaanut suliareqqitassanngortitatut suliarinerqarpoq.
Ikiaroornartut pillugit inatsisinik unioqqutitsinerni aallaaviusarpoq utaqqisitaanngitsumik inissiisarfummut inissiinermik. Taamaakkaluartoq eqqartuussisuuneqarfik isumaqarpoq, suliami matuani utaqqisitassanngortinneqartariaqartoq ukiumik ataatsimik misiligaaffilerlugu. Eqqartuussisuuneqarfiup tamatumani pingaartutut toqqammavigaa piffissaq suliap suliarineqarneranut atorneqartoq sivisummat, tamatumunngalu unnerluutigineqartoq akisussaatinneqarsinnaanani, aammalu siusinnerusukkut pineqaatinneqarsimanngimmat. Pineqaatissiissutip sivisussusia naleqquttutut isigineqarpoq.
Tamatuma saniatigut eqqartuussisuuneqarfik isumaqarpoq, unnerluutigineqartoq pinerluttulerinermi inatsisip §-iisa 127-ani, imm. 2, naapertorlugu akiliisariaqartoq ilassutitut akiliisitsissummik annertussuseqartumik 22.500 koruuninik.
Suliamut aningaasartuutit pillugit isumaqarnarpoq, suliamin matumani inerniliunneqartoq eqqarsaatigalu eqqortuunerussasoq, naalagaaffiup aningaaseriviata eqqartuussisuuneqarfimmi suliamut aningaasartuutigineqartut akilerpagit.Tamatuma saniatigut eqqqartuussiviup eqqartuussutaa atortussanngortinneqarpoq.
Unnerluutigineqartoq eqqartuunneqarpoq inissiisarfimmut inissinneqarnermik qaammatini pingasuni, tamanna utaqqisitassanngortinneqarpoq piffissamik misiligaaffilerlugu ukiumik ataatsinuj sivissussuseqartumik kiisalu ilassutitut akiliisitsissumik annertuussuseqartumik 22.500 koruuninik.
Tamatuma sanatigut eqqartuussiviup eqqartuussutaa atortussanngortinneqarpoq.
Suliap normua: K 059/20
Nunatta Eqqartuussisuuneqarfiata eqqartuussissutaa
Qaasuitsup Eqqartuussiviata eqqartuussissutaa