Inuusuttut marluk pineqaatissinneqarput - K 238/21

Eqqartuussissut Nunatta Eqqartuussisuuneqarfianit oqaatigineqarpoq ulloq 18. November 2021. 

Nunatta eqqartuussisuuneqarfia isumaqarpoq haship annertussusaa anngiortumik eqquteriarneqartup, aamma hashi nassaarineqartoq meqqeqarmat, aamma poortuneqarnera pikkorilluinnartunit suliarineqarsimammat, isumaasimammallu haship ingerlateqqinneqarnissaa, aamma unnerluutigineqartup akuerisimammagu poortukkap aanissaa aamma ajornarunnaarsillugu haship anngiortumik eqqunneqarnissaa pisinnaalersillugu.

Unnerluutigineqartoq nassuiaavoq ilimagisimallugu poortugaq anaanaminut nassiunneqartoq hashiusoq. Nunatta eqqartuussisuuneqarfia isumaqarpoq poortukkap imaata oqimaassusiatalu apersuutiginnginneratigut, aamma isiginiarneqarluni siusinnerusukkut ilisimannittumi hashimik annikitsuunngitsumik takusareernikuunera, akuersaarsimagaa aarlerinaataa poortukkap nassaap hashimik imaqarsinnaanera, taamaalilluni mianersuaalliornikkut haship annertussusianut atatillugu pillaateqarfiusinnaasumik iliuuseqarluni. Taamaalilluni nunatta eqqartuusssuuneqarfiata uppernarsivaa unnerluutigineqartoq pisimasoq 1-mi unnerluutigineqatigineqaatiminut pisuusoq.

Naak unnerluutigineqartup nassuiaanera malillugu aatsaat poortugaq hashimik imalik anaanaminut nassiunneqareersoq paasisaqarsimanerarluni, anaanani poortukkanik aallernerani ilagisimavaa, pisuutinneqarporlu peqataasimanermi unioqqutitsinermut pinerluttulerinermi inatsimmi § 58, imm. 2 naapertorlugu.

Pineqaatissiissut aalajangersarneqarpoq ukiumi ataatsimi aamma qaammatini arfinilinni pineqaatissinneqarsimasunut inissiisarfimmiittussanngortinneqarnermik, tak. pinerluttulerinermi inatsimmi § 146, tak. § 58, imm. 2, tak. 13, aamma aanngaajaarniutit pillugit inatsimmi § 3, tak. § 1, tak. aanngaajaarniutit pillugit nalunaarummi § 27, imm. 1, tak. § 2, tak. ilanngussaq 1, liste A, nr. 1.

Nunatta eqqartuussisuuneqarfiata pineqaatissiinermik aalajangersaanerani pingaartinneqarsimavoq haship annertussusia.

Pineqartoq tassaammat haship anngiortumik eqqunneqartup ingerlateqqinneqartussaanera, unnerluutigineqartumit nunatta eqqartuussisuuneqarfiani aningaasartuutit akilerneqassapput.

Unneluutigineqartoq eqqartuunneqarpoq ukiumi ataatsimi aamma qaammatini arfinilinni pineqaatissinneqarsimasunut inissiisarfimmiittussanngortinneqarluni.

Suliap normua: K 238/21

Eqqartuussissutit nassuiaatillu