Kal. Nunaanni Eqqartuussiviit

Inummut ulorianartumik pinerluffigineqarsimaguit, toqqammavigisassatut illersuisulerneqarsinnaavutit periarfissaqarlutillu taarsiivigineqarnissat qinnutigisinnaallugu.

Inummut ulorianartumik pinerlunneruvoq, peqqarniitsumik annersarneqarsimaguit, pinngitsaalineqarlutit kujanneqarsimaguit, sakkulersorfigineqarlutit ujajaaffigineqarsimaguit, qanigisat toqutaasimappat imaluunniit assigusumik.

Ilisimannittutut aggersarneqassaanga?

Periuseq malillugu suliami ilisimannittutut aggersarneqassaatit. Inimi eqqartuussiviusumi taagorneqartussaavutit “pinerlisaq”-tut. Unnerluutigisap isersimaqatiginissaa annilaanngatigigukku eqqartuussisut aalajangersinnaapput, unnerluutigisaq inimi najutissanngitsoq killisiorneqarnerpit nalaani.

 

Qanoq ilillunga illersuisussannik pissarsisinnaavunga?

Toqqammavigisassatut illersuisussamik pissarsissaatit politiinut saaffiginnikkuit.

Taarsiivigineqarnissamut qinnuteqarsinnaavunga?

Pinerlunnermi eqqugaasutut periarfissaqarputit ajoquserninnut, unnerluutigisap pilisarisimasaanut, taarsiivigineqarnissannut qinnuteqarsinnaallutit. Politiit qinnuteqaatit tigoreeersimassavaat suliap eqqartussivimmi suliarineqarnissaa sioqqullugu. Politiit ilitsersussavaatsit taarsiivigineqarnissamik periarfissamik.

Periarfissaqarpat, unnerluutigisaq isumaqatigiissuteqarfigisinnaavat taarsiivigineqarnissannik. Taamaanngippat taarsiivigineqarnissannut apeqqut eqqartuussisunit aalajangiivigineqassaaq, unnerluutigisamut suliassap suliarineqarneranut atatillugu.

Taavami allaanerusumik pinerluffigineqarsimaguma, assersuutigalugu tillinniarfigitissimaguma imal. aserortigineqarfigisimaguma?

Allaanerusumik pinerluffigineqarsimaguit – assersuutigalugu tillinniarfigineqarsimaguit imaluunniit aserorteriffigineqarsimaguit – toqqammavigisassatut illersuisulerneqassanngilatit. Tassani nammineerlutit taarsiissutissatut piumasaqaatissatit saqqummiuttussaavatit, kisiannili aamma tamanna pisinnaavoq, unnerluutigisap unnerluutigineqarnissaata suliarineqarnerani.

Paasissutissat kingulliit: 04. maajip 2020