07 jun 2018
Nunatta Eqqartuussisuuneqarfia
Kannguttaalliorfiginnissimasutut pinngitsuutinneqartoq
Qaasuitsup Eqqartuussisoqarfiata angut kannguttaalliorfiginninnermut pinngitsuutissimavaa. Angut usuup tissartup assinganik arnamut Facebook Messenger aqqutigalugu nassiussinermigut kannguttaalliorfiginninnermut unnerluutigineqarpoq.
Eqqartuussisoqarfiup eqqartuussutaa unnerluussisussaatitaasunit suliareqqitassanngortinneqarpoq.
Nunatta Eqqartuussisuuneqarfiata inerniliinera
Eqqartuussisut uppernarsisinngilaat unnerluutigineqartoq assimik pinerlineqartumut nassiussisuusimasoq, Qaasuitsullu Eqqartuussisoqarfiata eqqartuussutaa atuuttussanngortippaat.
Nunatta Eqqartuussisuuneqarfiata tunngavilersuutimini oqaatigaa unnerluutigineqartup nassiussaq pineqartoq ilisimasaqarfinngilluinnarneraraa. Arnaq nassiussamik tigusaqartoq attaveqarfigisartagarinngilaa. Nunatta Eqqartuussisuuneqarfiata tunngaviutippaattaaq unnerluutigineqartoq iliuuseqartoqarnerata nalaani taamaallaat allat qarasaasiaanniit imaluunniit tamanit atorneqarsinnaasuniit Facebookimut isersinnaasimasoq. Taassuma qarasaasiakkut ilisarnaataa atorlugu inuit allat nassiussisinnaasimapput, taanna iluamik qarasaasiamiit anisimanngippat.
Ulloq aalajangiiffiusoq
Eqqartuussut Nunatta Eqqartuussisuuneqarfianit nalunaarutigineqarpoq ulloq 7. juni 2018.
Suliap normua: K 047/18
Nunatta Eqqartuussisuuneqarfiata eqqartuussissutaa
Qaasuitsup eqqartuussiviata eqqartuussissutaa