10 sep 2020
Nunatta Eqqartuussisuuneqarfia
Qaammatini qulingiluani inissiisarfimmiittussanngortitsineq - K 077/18
Angut 56-inik ukiulik nuliaminik pinngitsaaliilluni atoqatiginneriarnermut Qaasuitsup Eqqartuussisoqarfiani pisuutinneqarpoq eqqartuunneqarlunilu qaammatini arfinilinni inissiisarfimmiittussanngortinneqarluni utaqqisitamik ukiuni pingasuni misiligaaffiliinertalimmik.
Eqqartuussisoqarfiup eqqartuussutaa unnerluussisussaatitaasunit suliareqqitassanngortinneqarpoq.
Nunatta Eqqartuussisuuneqarfiata inerniliinera
Eqqartuussisoqarfiup eqqartuussutaa Nunatta Eqqartuussisuuneqarfiata allanngortippaa unnerluutigineqartorlu eqqartuullugu qaammatini qulingiluani inissiisarfimmiittussanngortillugu ukiuni marlunni misiligaaffiliinertalimmik.
Nunatta Eqqartuussisuuneqarfiata tunngavilersuutimini oqaatigaa pinngitsaaliilluni atoqatiginneriaraluanermi ilaatigut tilluaasoqarluni nakuusertoqarsimasoq. Taamaalilluni nunatta eqqartuussisuuneqarfiata sulisaatsimik atuuttumik saniaoqqutitsinissaq tunngavissaqarsorinngilaa. Suliasaaseq atuuttoq malillugu aapparmik pinngitsaaliilluni atoqatiginneriaraluarnermut qaammatini qulingiluani inissiisarfimmiittussanngortitsisoqartarpoq.
Nunatta Eqqartuussisuuneqarfiata pineqaatissiissut qaqutigoorluinnartumik utaqqisitanngortippaa, ilaatigut unnerluutigineqartoq pinerlineqartup nakorsaataanik nakkutiginnittarmat aamma pinerlineqartup meeqqallu taanna isumakkeerfigisimammassuk. Nunatta Eqqartuussisuuneqarfiata piffissaq misiligaaffiliussaq ukiunut marlunnut appartippaa, pisimasup qanoq ittuunera unnerluutigineqartullu siornatigut pineqaatissinneqarnikuunnginnera eqqarsaatigalugit.
Ulloq aalajangiiffiusoq
Eqqartuussut Nunatta Eqqartuussisuuneqarfianit nalunaarutigineqarpoq ulloq 2. august 2018.
Suliap normua: K 077/18
Nunatta Eqqartuussisuuneqarfiata eqqartuussutaa
Qaasuitsup eqqartuussiviata eqqartuussutaa