01 aug 2018
Nunatta Eqqartuussisuuneqarfia
Pineqaatissiissut atuuttussanngortinneqartoq - K 079/18
Eqqartuussisoqarfiup Sermersuup angut 40-nik ukiulik nakuusernermut pisuutippaa. Taassuma inooqatigisimasani niaquatigut najungasuisalu nalaasigut tilluarsimavaa.
Angut eqqartuussisoqarfimmi eqqartuunneqarpoq qaammatini arfineq-marlunni inissiisarfimmiittussanngortinneqarluni, ilanngunneqarluni eqqartuussut august 2014-imeersoq, taamanikkut ilaatigut nakuusernermut eqqartuunneqarsimavoq qaammatini arfinilinni inissiisarfimmiittussanngortinneqarluni utaqqisitamik ukiuni pingasuni misiligaaffiliinertalimmik.
Eqqartuussisoqarfiup eqqartuussutaa unnerluutigineqartumit suliareqqitassanngortinneqarpoq.
Nunatta Eqqartuussisuuneqarfiata inerniliinera
Pinerlineqartup ilisimannittullu nassuiaataat tunngavigalugit kiisalu nassuiaatit assinit saqqummiunneqartumit taperserneqarmata, nunatta eqqartuussisuuneqarfiata uppernarsarneqarsoraa unnerluutigineqartup pinerlineqartoq timaatigut sakkortuumik patissimagaa kiisalu kiinaatigut tillussimagaa.
Imminut allatut ajornartumik illersortoqartariaqarsimanera pissutsiniluunniit sakkukillisaataasunik atuuttoqarsimanera Nunatta Eqqartuussisuuneqarfiata tunuartippaa.
Nunatta Eqqartuussisuuneqarfianeersut isumaqatigiillutik Eqqartuussisoqarfiup Sermersuup eqqartuussutaa atuuttussanngortippaat, taamaalilluni unnerluutigineqartoq eqqartuunneqarluni pisoq nutaaq eqqartuussullu 2014-imeersoq ataatsimoortillugit pineqaatissinneqarluni, pisimasormi piffissap misiligaaffiliussap iluani pisimavoq.
Ulloq aalajangiiffiusoq
Eqqartuussut Nunatta Eqqartuussisuuneqarfianit nalunaarutigineqarpoq ulloq 1. august 2018
Suliap normua: K 079/18
Nunatta Eqqartuussisuuneqarfiata eqqartuussutaa
Sermersuup eqqartuussiviata eqqartuussutaa